New Year Special Non Veg Thali : న్యూ ఇయర్ సెలబ్రేషన్స్ కోసం అప్పుడే అందరూ ప్లాన్స్ చేసేస్తున్నారు. ఇక నాన్వెజ్ లవర్స్కి ఆ రోజంతా పండగే అని చెప్పుకోవచ్చు. అయితే, ఎప్పుడూ ఒకేలా కాకుండా ఈ సారి న్యూ ఇయర్ సందర్భంగా మటన్ బిర్యానీ, తవా చికెన్, ఫిష్ ఫ్రై చేసేయండి. టేస్ట్ అద్దిరిపోతుంది. పార్టీ కూడా అదుర్స్ అనిపిస్తుంది. మరి సింపుల్గా ఇవన్నీ ఎలా చేయాలో ఇప్పుడు చూద్దాం..
చికెన్ తవాకి కావాల్సిన పదార్థాలు :
- చికెన్ లెగ్స్‌- నాలుగు
- చికెన్ పెద్ద ముక్కలు-2
- ఉప్పు-తగినంత
- ఎండుమిర్చి-12
- వెల్లుల్లిరెబ్బలు -12 (పొట్టుతీసినవి)
- చిన్న అల్లం ముక్క
- అనాసపువ్వు-1
- యాలకలు-4
- దాల్చినచెక్క-రెండు చిన్నవి
- రాతిపువ్వు-కొద్దిగా
- మిరియాలు-15
- నూనె-2 టేబుల్స్పూన్లు
- పసుపు-చిటికెడు
- జీలకర్ర- అరటీస్పూన్
- నిమ్మకాయ రసం -2 టేబుల్స్పూన్లు
తయారీ విధానం :
- ముందుగా చికెన్ లెగ్స్‌, ముక్కలను శుభ్రంగా కడిగి గాట్లు పెట్టాలి.
- ఆపై ఒక మిక్సీ జార్లోకి మసాలాలు, ఎండుమిర్చి, వెల్లుల్లిరెబ్బలు, ఉప్పు, పసుపు అన్నింటినీ వేసుకోవాలి. అలాగే నూనె, నిమ్మరసం పిండి మెత్తగా పేస్ట్ చేసుకోవాలి.
- ఇప్పుడు మసాలా మిశ్రమాన్ని గాట్లు పెట్టిన చికెన్కి పట్టేలా బాగా కలుపుకోవాలి. వీలైతే ఈ మిశ్రమాన్ని రాత్రంతా ఫ్రిడ్జ్లో పెట్టాలి. లేదంటే ఒక గంటపాటు ఫ్రిడ్జ్లో పెట్టుకోవచ్చు.
- అనంతరం స్టౌపై ఒక పెనం పెట్టండి. తర్వాత ఒక రెండు టేబుల్స్పూన్ల నూనె వేసి వేడి చేయండి. ఆపై మ్యారినేట్ చేసుకున్న చికెన్ ముక్కలు వేసి మూతపెట్టి కదపకుండా 4 నిమిషాలు వదిలేయండి. ఇప్పుడు చికెన్ ముక్కలు మరోవైపు టర్న్ చేసి కాల్చుకోండి.
- చికెన్ ముక్కలు ఉడికి బాగా కాలిన తర్వాత ఒక ప్లేట్లోకి తీసుకోండి. అంతే ఇలా సింపుల్గా చేసుకుంటే టేస్టీ తవా చికెన్ రెడీ!
నోరూరించే ఫిష్ ఫ్రైకి కావాల్సిన పదార్థాలు :
- బోన్లెస్ ఫిష్ ముక్కలు-అరకేజీ
- ఉప్పు-తగినంత
- కారం-ఒకటిన్నర టేబుల్స్పూన్లు
- పసుపు-పావుటీస్పూన్
- మిరియాలపొడి-అరటీస్పూన్
- ఆవాలు -3 టేబుల్స్పూన్లు
- పచ్చిమిర్చి-2
- అల్లం ముక్కలు-2
- వెల్లుల్లి రెబ్బలు-4 (పొట్టుతీసినవి)
- కార్న్ఫ్లోర్-2 టేబుల్స్పూన్లు
- మైదా-టేబుల్స్పూన్
- నిమ్మరసం-టేబుల్స్పూన్
తయారీ విధానం :
- ముందుగా బోన్లెస్ ఫిష్ ముక్కలను శుభ్రంగా కడిగి పక్కన పెట్టుకోవాలి. అలాగే ఆవాలను 15 నిమిషాలు నీటిలో నానబెట్టాలి.
- ఇప్పుడు ఒక మిక్సీ గిన్నెలోకి ఆవాలు, అల్లం ముక్కలు, వెల్లుల్లి రెబ్బలు, పచ్చిమిర్చి ముక్కలు వేసి మెత్తగా గ్రైండ్ చేసుకోవాలి.
- అనంతరం ఒక మిక్సింగ్ బౌల్లోకి ఫిష్ ముక్కలు తీసుకోండి. ఇందులో ఉప్పు, పసుపు, మిరియాలపొడి, కారం, గ్రైండ్ చేసుకున్న ఆవాల పేస్ట్ వేసి బాగా కలుపుకోవాలి.
- వీలైతే ఈ ఫిష్ మిశ్రమాన్ని రాత్రంతా ఫ్రిడ్జ్లో ఉంచుకోవాలి. లేదంటే అరగంట పాటు ఫ్రిడ్జ్లో పెట్టాలి.
- అనంతరం ఫ్రిడ్జ్లో పెట్టుకున్న ఫిష్ని తీసి ఇందులో కార్న్ఫ్లోర్, మైదా, నిమ్మరసం వేసి బాగా కలపండి.
- చేప ముక్కలకు పిండి బాగా పట్టేలా కలపండి.
- ఇప్పుడు చేప ఫ్రై కోసం స్టౌపై పాన్ పెట్టి సరిపడా నూనె పోయండి.
- ఆ తర్వాత ఒక్కో చేప ముక్కను ఆయిల్లో వేసి బాగా ఫ్రై చేసుకోండి.
- ఫిష్ క్రిస్పీగా ఫ్రై అయిన తర్వాత ఒక ప్లేట్లోకి తీసుకోండి.
- అంతే ఇలా సులభంగా చేసుకుంటే నోరూరించే ఫిష్ ఫ్రై రెడీ.
మటన్ దమ్ బిర్యానీకి కావాల్సిన పదార్థాలు :
- మటన్ - అరకిలో
- బాస్మతి బియ్యం- అరకిలో
- నూనె - పావు కప్పు
- నెయ్యి - పావు కప్పు
- దాల్చిన చెక్క - 3 అంగుళాలు
- అనాస పువ్వులు - 2
- యాలకులు - 7
- లవంగాలు - 12
- షాజీరా - 1 టేబుల్స్పూన్
- బిర్యానీ ఆకులు - 4
- రాతి పువ్వు - 1
- ఉల్లిపాయ తరుగు - కప్పు
- పచ్చిమిర్చి-4
- మటన్ కొవ్వు -50 గ్రాములు
- అల్లంవెల్లుల్లి పేస్ట్ - ఒకటిన్నర టేబుల్స్పూన్లు
- జాజికాయ పొడి- 2 చిటికెలు
- పెరుగు - అర కప్పు
- పాలు - అర కప్పు
- టమాటాలు - 2
- కారం - రుచికి తగినంత
- పసుపు-పావుటీస్పూన్
- వేపిన జీలకర్ర పొడి-టీస్పూన్
- ధనియాల పొడి - టీస్పూన్
- గరంమసాలా - 1 టేబుల్స్పూన్
- కొత్తిమీర తరుగు - పిడికెడు
- పుదీనా తరుగు - పిడికెడు
- ఉప్పు - రుచికి సరిపడా
- నిమ్మకాయ-1
తయారీ విధానం :
- ఇందుకోసం ముందుగా బాస్మతి బియ్యాన్ని శుభ్రంగా కడిగి గంటపాటు నానబెట్టుకోవాలి. అలాగే మటన్ని శుభ్రంగా కడిగి వాటర్ లేకుండా ఒక ప్లేట్లోకి తీసుకొని పక్కన ఉంచుకోవాలి. అదేవిధంగా రెసిపీలోకి కావాల్సిన టమాటా, ఉల్లిపాయ, పచ్చిమిర్చిని కట్ చేసుకొని పక్కనుంచాలి.
- మటన్ బిర్యానీ కోసం స్టౌపై అడుగు మందంగా ఉండే బిర్యానీ హండీ పెట్టండి. ఇందులో నూనె, నెయ్యి వేసి కరిగించండి.
- ఆపై అందులో దాల్చిన చెక్క, అనాస పువ్వులు, యాలకులు, షాజీరా, లవంగాలు, బిర్యానీ ఆకులు, రాతి పువ్వు వేసి కాసేపు వేయించుకోవాలి.
- ఇప్పుడు ఉల్లిపాయ, పచ్చిమిర్చి ముక్కలు వేసి వేపాలి.
- ఆనియన్స్ గోల్డెన్ బ్రౌన్ కలర్లో వేగిన తర్వాత మటన్ కొవ్వు వేసి ఫ్రై చేసుకోవాలి.
- ఇప్పుడు అల్లం వెల్లుల్లి పేస్ట్, కొద్దిగా ఉప్పు వేసి కలిపి కాసేపు వేయించుకోవాలి.
- అనంతరం శుభ్రంగా కడిగి పక్కన పెట్టుకున్న మటన్ వేసి మిక్స్ చేసుకోవాలి.
- అలాగే జాజికాయ పొడి వేసి కలపండి. ఇప్పుడు టమాటా ముక్కలు వేసి వేపండి.
- అనంతరం హండీపై మూతపెట్టి మధ్యమధ్యలో కలుపుతూ 25 నిమిషాలు ఉడికించుకోండి.
- ఆపై పెరుగు, కారం, పసుపు, వేపిన జీలకర్ర పొడి, ధనియాల పొడి, గరంమసాలా, కొత్తిమీర తరుగు, పుదీనా తరుగు వేసి కలపండి.
- ఇప్పుడు లీటర్ వేడివేడి నీళ్లు పోసుకోండి. స్టౌ హై ఫ్లేమ్లో ఉంచి ఎసరు 5 నిమిషాలు మరిగించుకోండి.
- అనంతరం పాలు పోసుకోండి.
- అలాగే నిమ్మకాయ రసం కూడా పిండుకోండి.
- ఇప్పుడు నానబెట్టుకున్న రైస్ వేసుకుని కలుపుకోండి.
- దీనిని 12 నిమిషాల పాటు హై ఫ్లేమ్ మీద, 8 నిమిషాలు మీడియం ఫ్లేమ్ మీద మధ్యమధ్యలో కలుపుతూ ఉడికించుకోండి.
- ఆ తర్వాత బిర్యానీలోకి కాస్త కొత్తిమీర తరుగు, నెయ్యి వేసి కలపండి.
- తర్వాత మూతపెట్టి స్టౌ ఆఫ్ చేసి అరగంటపాటు అలా వదిలేయండి.
- వేడివేడిగా సర్వ్ చేసుకుంటే టేస్ట్ అద్భుతంగా ఉంటుంది.
- అంతే ఇలా సింపుల్గా చేసుకుంటే ఘుమఘుమలాడే మటన్ బిర్యానీ, టేస్టీ తవా చికెన్ ఫ్రై, నోరూరించే ఫిష్ ఫ్రై మీ ముందుంటాయి.
- ఈ రెసిపీలు నచ్చితే న్యూ ఇయర్కి ట్రై చేయండి.
ఈ స్టైల్లో "మటన్ దమ్ బిర్యానీ" చేయండి - ఇంటిల్లిపాదీ లొట్టలేసుకుంటూ తింటారంతే!
