What Are The Main Reason For Face Pores : ముఖంపై కనిపించే రంధ్రాలు చాలా మందిని ఇబ్బంది పెడుతుంటాయి. ఇవి మీ మొత్తం రూపాన్ని, అందాన్ని ప్రభావితం చేస్తాయి. వీటిని తగ్గించడానికి చాలా మంది ఎన్నో రకాల చర్మ సంరక్షణ ఉత్పత్తులను వాడతారు. అయినా ఫలితం మాత్రం పెద్దగా కనిపించదు!. ఎందుకంటే చర్మపు రంధ్రాలను పొగొట్టుకోవడానికి కేవలం మార్కెట్లో దొరికే క్రీములు వాడితే సరిపోదు, అవి రావడానికి గల కారణాలను గురించి తెలుసుకుని దానికి తగ్గట్టుగా పరిష్కారం వెతకాలి. వాస్తవానికి ముఖంపై పెద్ద పెద్ద రంథ్రాలు రావడానికి ఆశర్చర్యకరమైన కొన్ని కారణాలున్నాయట. అవేంటో తెలుసుకుందాం.
1. వారసత్వం:
మీ చర్మ రంధ్రాల పరిమాణం విషయంలో మీకు వారసత్వంగా వచ్చిన జన్యువులు ముఖ్య పాత్ర పోషిస్తాయి. మీ తల్లిదండ్రులు లేదా బంధువులకు ముఖంపై పెద్ద పెద్ద రంధ్రాలు ఉంటే ఆ లక్షణాలను మీరు పొందే అవకాశం ఉంటుంది. జన్యుశాస్త్రం ప్రకారం చర్మం రకం, నూనె ఉత్పత్తి, రంధ్రాల పరిమాణం వంటి వాటికి జన్యువులు కారకాలుగా మారతాయి. జన్యువులను మనం మార్చలేనప్పటికీ కారణాన్ని అర్థం చేసుకోవడం వల్ల వాటి నివారణ కోసం దినచర్యలో, ఆహారపు అలవాట్లలో మార్పులు చేసుకుని సమస్య నుంచి బయటపడచ్చు.
2. వృద్ధాప్యం:
వయసును బట్టి చర్మపు రంధ్రాల విస్తరణ సహజంగా మారుతూ వస్తుంది. చర్మ కణాల్లో స్థితిస్తాపకత క్రమంగా కోల్పోవడం ఇందుకు ప్రధాన కారణం కావచ్చు. అలాగే చర్మం తిరిగి జీవం పోసుకునే సామర్థ్యం కూడా తగ్గిపోవడం కూడా రంధ్రాల ఏర్పడటానికి, సాగిపోవడనానికి దారితీస్తుంది. అదనంగా చర్మం ఆరోగ్యంగా ఉండేందుకు సహాయపడే కొల్లాజెన్, ఎలాస్టిన్ ఉత్పత్తి కూడా వయసుతో పాటు తగ్గుతుంది. ఫలితంగా చర్మం దృఢత్వాన్ని, స్థితిస్తాపకతను కోల్పోతుంది. చర్మపు రంధ్రాలను మరింత పెంచుతుంది. పెరుగుతున్న వయసును మనం ఆపలేనప్పటికీ చర్మ స్థితిస్తాపకత, దృఢత్వాన్ని మెరుగుపరిచడంపై దృష్టి పెడితే రంధ్రాల సమస్యను తగ్గించుకోవచ్చు.
