Maharaja Movie Tickets: తమిళ్ స్టార్ హీరో విజయ్ సేతుపతి లీడ్ రోల్లో తెరకెక్కిన 'మహరాజా' సినిమా బాక్సాఫీస్ వద్ద దూసుకుపోతోంది. డైరెక్టర్ నిథిలన్‌ స్వామినాథన్‌ దర్శకత్వం వహించిన ఈ మూవీ జూన్ 14న రిలీజై సూపర్ హిట్ టాక్ దక్కించుకుంది. దీంతో వీకెండ్లో థియేటర్లలో హౌస్ఫుల్ ఆక్యుపెన్సీతో రన్ అవుతోంది.
ఈ సినిమాకు తెలుగులోనూ సూపర్ రెస్పాన్స్ వస్తోంది. ఓపెనింగ్ రోజు కంటే దాదాపు రెట్టింపు సంఖ్యలో టికెట్లు అమ్ముడయ్యాయి. గత 24 గంటల్లోనే దాదాపు 2 లక్షలు అమ్ముడయ్యాయి. దీంతో ప్రముఖ మూవీటికెట్ బుకింగ్ వెబ్సైట్లో 'మహారాజా' ట్రెండింగ్లోకి దూసుకొచ్చింది. లాంగ్ వీకెెండ్లో టికెట్ల అమ్మకాలు కూడా భారీగా పెరిగే అవకాశం ఉంది.
వసూళ్లలో జోరు: ఓపెనింగ్ రోజే సినిమా బ్లాక్బస్టర్ టాక్ రావడం, వీకెండ్ కావడం వల్ల ప్రేక్షకులు థియేటర్లకు క్యూ కట్టారు. దీంతో ఒక్కసారిగా కలెక్షన్లు కూడా ఊపందుకున్నాయి. డే-1 ఇండియావైడ్గా అన్ని భాషల్లో కలిపి రూ.4.7 కోట్లు నెట్ సాధించగా, డే- 2 రూ. 7.25కోట్లు వసూల్ చేసింది. మరో రెండు రోజులు కూడా హాలీడేస్ కావడం వల్ల కలెక్షన్లు ఈజీగా పెరిగే ఛాన్స్ ఉంది.
డైరెక్టర్ నిథిలన్‌ ఈ సినిమాను థ్రిల్లింగ్ ఎంటర్టైన్మెంట్ జానర్లో తెరకెక్కించారు. ఎక్కడా కూడా బోర్ కొట్టకుండా చిత్రీకరించారు. ఆసాంతం ఉత్కంఠభరితంగా సాగే ఈ కథకు ప్రేక్షకులు ఫిదా అవుతున్నారు. అన్ని వర్గాల ఆడియెన్స్ నుంచి పాజిటివ్ రెస్పాన్స్ వస్తోంది. ఇక హీరో విజయ్కు ఇది 50వ సినిమా. ఇందులో ఆయన నటనకు మంచి మార్కులు పడ్డాయి. ఆయన నటనే సినిమాకు ప్లస్ పాయింట్ అని అంటున్నారు.
కాగా, ఆయన నటించిన ఈ 50వ సినిమా ట్రేడ్‌ మార్క్‌గా నిలిచిపోనుందని హీరోయిన్ కీర్తీ సురేశ్ రీసెంట్గా ప్రశంసించారు. ఇక సినిమాలో విజయ్తోపాటు అనురాగ్‌ కశ్యప్‌, మమతా మోహన్‌దాస్‌, అభిరామి, నటరాజ్, భారతీరాజా, నటరాజ్, అరుళ్ దాస్, బాయ్స్ మణికందన్, వినోద్ సాగర్ తదితరులు కీలక పాత్రల్లో నటించారు. ఈ సినిమాను సుదాన్ సుందరం, జగదీశ్ పళనిస్వామి నిర్మించగా, అజనీశ్ లోక్నాథ్ సంగీతం అందించారు.
నయనతార భర్తతో గొడవ - స్పందించిన విజయ్ సేతుపతి - Vijay Sethupathi Maharaja
