Tollywood Movies On Mumbai Backdrop : ముంబయి బ్యాక్డ్రాప్లో సినిమాలు తీయడం అనేది మన టాలీవుడ్కు కొత్తేమీ కాదు. రొటీన్గా లోకల్ బ్యాక్ డ్రాప్ను ఎంచుకునే మన డైరెక్టర్లు అప్పుడప్పుడు కొత్తదనం కోసం ముంబయి లేదా కోల్కతా పరిశరాల్లో సినిమాలు తీస్తుండటం మనం చూశాం. అప్పట్లో వచ్చిన 'బొంబాయి ప్రియుడు' నుంచి ఇటీవలే వచ్చిన సాహో వరకూ అన్ని ముంబుయి బ్యాక్డ్రాప్లో వచ్చినవే. ఇప్పుడు మరోసారి ఈ ట్రెండ్ తెరపైకి వచ్చింది. ఫారిన్ ట్రిప్లు వేస్ మన డైరెక్టర్లు మళ్లీ ముంబయి బాట పట్టి సరికొత్త సినిమాలను పట్టాలెక్కిస్తున్నారు. రామ్- పూరి 'డబుల్ ఇస్మార్ట్', శేఖర్ కమ్ముల - ధనుశ్ మూవీ(ధారావి - రూమర్డ్ టైటిల్), దుల్కర్ సల్మాన్ లేటెస్ట్ మూవీ 'లక్కీ భాస్కర్' ఇలా పలు సినిమాలు తమ చిత్రీకరణను ముంబయిలో జరపుకుంటున్నాయి.
గతంలోనూ ఈ ట్రెండ్ తెగ పాపులరైంది. టైటిల్లోనే ఏకంగా 'బొంబాయి ప్రియుడు' అని పెట్టి సీనియర్ డైరెక్టర్ రాఘవేంద్రరావు ఓ సినిమాను తీసి మంచి హిట్ అందుకున్నారు. ఇది ముంబయి బ్యాక్డ్రాప్లో నడిచే ఓ అందమైన ప్రేమ కథ. జెడి చక్రవర్తి, రంభ జంటగా నటించింన ఈ సినిమా ఏకంగా 100 డేస్ ఫంక్షన్ జరుపుకుంది. ఆ తర్వాత 1991లో విడుదలైన 'రౌడీ అల్లుడు' చిత్రం కూడా కొంత ముంబై బ్యాక్డ్రాప్లోనే ఉంటుంది. ఇందులో మెగాస్టార్ చిరంజీవి ఆటో జానీ అనే పాత్రలో నటించారు. ఆయన ముంబయి వీధుల్లో ఆటోవాలాగా కనిపించారు.
ఇక కోడి రామకృష్ణ తెరకెక్కించిన 'దేవి పుత్రుడు' సినిమాలో విక్టరీ వెంకటేశ్ కూడా ముంబయిలో దొంగతనాలు చేసే వ్యక్తిగా కనిపించి అలరించారు. ఇలా ముంబయితో మన హీరోలకు మంచి అనుబంధమే ఉంది. ఇది కాకుండా పూర్తి ముంబయి బ్యాక్డ్రాప్లో ఓ సాలిడ్ హిట్ను తెరకెక్కించారు డైరెక్టర్ పూరి. మహేశ్ బాబు లీడ్ రోల్లో వచ్చిన బిజినెస్ మాన్ అక్కడి మాఫియా బ్యాక్డ్రాప్లోనే నడుస్తుంది. ఇందులో మహేశ్ ముంబయి డాన్గా నటించి హిట్ అందుకున్నారు. అంతేకాకుండా రెబల్ స్టార్ ప్రభాస్ నటించిన 'సాహో' చిత్రం కూడా ముంబయి కథాంశంతోనే నడుస్తుంటుంది.
- " class="align-text-top noRightClick twitterSection" data="">
ప్రస్తుతం పాన్ ఇండియా మార్కెట్ నడుస్తున్న నేపథ్యంలో మన హీరోలు ముంబయి నేపథ్యంలో తెరకెక్కుతున్న సినిమాల్లో నటించేందుకు ఆసక్తి చూపిస్తున్నారు. ఇటీవలే పవన్ కల్యాణ్- డైరెక్టర్ సుజిత్ కాంబినేషన్లో ఫిక్స్ అయిన 'ఓజీ' సినిమా కూడా పూర్తి ముంబయి బ్యాక్డ్రాప్తోనే రానుంది. ఇందులో పవన్ ఓ గ్యాంగ్స్టర్ పాత్రలో కనిపించనున్నారు. అక్కడి నేటివిటీకి తగ్గట్లుగా డైరెక్టర్ ఈ సినిమాను రూపొందిస్తున్నారు. ఇటీవలే వచ్చిన హంగ్రీ చీతా గ్లింప్స్లో పవన్ మరాఠీ కూడా మాట్లాడారు.
కోలీవుడ్లోనూ అదే హవా
Koywood Movies On Mumbai Backdrop : ఇక టాలీవుడ్లోనే కాకుండా కోలీవుడ్లోనూ ముంబయి హవా నడుస్తోంది. ముంబయిలో చాలా వరకు తమిళులు ఉన్నారు. వారి కోసం కోలీవుడ్ హీరోలు ముంబయి నేపథ్యంలో వచ్చే సినిమాల్లో నటించేందుకు ఆసక్తి చూపిస్తుంటారు. కమల్ హాసన్ 'నాయకుడు', రజనీకాంత్ 'బాషా' వంటి చిత్రాలు అదే నేపథ్యంలో తెరకెక్కి బ్లాక్బస్టర్లుగా నిలిచాయి. ఇక మణిరత్నం రూపొందించిన 'బొంబాయి' చిత్రం ఆల్టైమ్ క్లాసిక్గా నిలిచిపోయింది.
ముంబయిలోనే మకాం
ఇటీవలే రజనీకాంత్ లీడ్ రోల్లో వచ్చిన 'కాలా' చిత్రం పూర్తి ముంబయి బ్యాక్గ్రౌండ్లోనే నిర్మించారు. ఇక తాజాగా వచ్చిన 'లాల్ సలామ్' సైతం ముంబయి బ్యాక్డ్రాప్లోనే నడిచింది. టాలీవుడ్లో రామ్- పూరి 'డబుల్ ఇస్మార్ట్' ఇప్పుడు శరవేగంగా ముంబయిలో షూటింగ్ జరుపుకుంటుంది. అంతకుముందు పూరి 'లైగర్' సినిమాను కూడా ముంబయి బ్యాక్డ్రాప్లోనే నిర్మించారు. అయితే ఆ సినిమా బాక్సాఫీస్ వద్ద అనుకున్నంత విజయాన్ని సాధించలేకపోయింది. అయినప్పటికీ పూరి తన మకాంను ముంబయికి మార్చి అక్కడి నుంచే చిత్రాలను నిర్మిస్తున్నారు.
OG Glimpse : OG గ్లింప్స్ డీటైల్స్ లీక్.. తెలుగులోనే తొలిసారి అలా.. ఇది తెలిస్తే గూస్బంప్సే!
