Thaman New Movie : తన యూట్యూబ్ వ్లాగ్స్తో, సెలబ్రిటీలతో చేసిన రీల్స్ ద్వారా పాపులరైంది యంగ్ స్టార్ నిహారిక. ఫన్నీ అండ్ ఇంట్రెస్టింగ్ కంటెంట్తో అభిమానులను ఆకట్టుకునే ఈమె త్వరలోనే సినిమాల్లోకి ఎంట్రీ ఇవ్వనుందట. పాన్ఇండియా లెవెల్లో రూపొందుతున్న ఈ సినిమాను ప్రముఖ నిర్మాణ సంస్థ లైకా ప్రొడక్షన్స్ ప్రతిష్టాత్మకంగా నిర్మించనుంది.
కోలీవుడ్ స్టార్ హీరో అధర్వ ఈ సినిమాలో లీడ్ రోల్లో మెరవనున్నారు. మనోజ్ పరమహంస ఈ చిత్రానికి సినిమాటోగ్రాఫర్‌గా వ్యవహరించనున్నారు. తమన్ ఈ చిత్రానికి సంగీతం అందించనున్నారు. ప్రస్తుతం ఈ సినిమాకు సంబంధించిన ప్రీ ప్రొడక్షన్ పనులు జరుగుతున్నాయని, త్వరలోనే ఈ చిత్రానికి సంబంధించిన అఫీషియల్ అనౌన్స్మెంట్ ఇవ్వనున్నట్లు సినీ వర్గాల్లో టాక్ నడుస్తోంది.
అయితే తాజాగా ఈ సినిమాకు సంబంధించిన ఓ వార్త నెట్టింట ట్రెండ్ అవుతోంది. ఈ మూవీకి మ్యూజిక్ అందిస్తున్న తమన్, ఇందులో గెస్ట్ రోల్లో కనిపించనున్నారని సమాచారం. అయితే ఈ విషయంపై ఇంకా అధికారిక సమాచారం వెలువడాల్సి ఉంది. తమన్ గతంలో శంకర్ డైరెక్షన్లో తెరకెక్కిన 'బాయ్స్' సినిమాలో నటించిన సంగతి తెలిసిందే.
