మెగా ఫ్యాన్స్​కు దీపావళి సర్​ప్రైజ్- 'గేమ్ ఛేంజర్' టీజర్ అప్డేట్- రిలీజ్ అప్పుడే!

మెగా ఫ్యాన్స్​కు గుడ్​న్యూస్- గేమ్ ఛేంజర్ టీజర్​పై అప్డేట్- రిలీజ్ ఎప్పుడంటే?

Game Changer Teaser : గ్లోబల్ స్టార్ రామ్​చరణ్- ప్రముఖ డైరెక్టర్ శంకర్ కాంబోలో తెరకెక్కుతున్న'గేమ్ ఛేంజర్​' సినిమా అప్డేట్స్ కోసం ఫ్యాన్స్ ఎంతో కాలంగా ఎదురుచూస్తున్నారు. అయితే దీపావళి సందర్భంగా మూవీమేకర్స్ ఫ్యాన్స్​కు గుడ్ ​న్యూస్ చెప్పారు. నవంబర్ 9న టీజర్ విడుదల చేయనున్నట్లు పేర్కొన్నారు.

ఈ మేరకు ఓ పోస్టర్ రిలీజ్ చేసింది. రైల్వే ట్రాక్​ మధ్యలో కూర్చొని ఉన్న చెర్రీ పోస్టర్ ఒకటి రిలీజ్ చేసింది. ఈ పోస్టర్​లో రామ్​చరణ్ లుంగీ, బనియన్ ధరించిన లుక్​తో కనిపిస్తున్నారు. 'హ్యాపీ దీపావళి. నవంబర్ 9న గేమ్ ఛేంజర్ టీజర్ సెలబ్రేట్ చేసుకుందాం' అని పోస్ట్​కు రాసుకొచ్చింది. ఈ అప్డేట్​తో మెగా ఫ్యాన్స్​ ఫుల్ సంబరాలు చేసుకుంటున్నారు.

Game Changer Count Down : 2025 సంక్రాంతి సందర్భంగా థియేటర్లకు రానుంది. ఈ క్రమంలో మూవీ టీమ్ రీసెంట్​గా రిలీజ్ 'కౌంట్ డౌన్' పోస్టర్ విడుదల చేసింది. సినిమా మరో 75 రోజుల్లో రిలీజ్ కానున్నట్లు పేర్కొంది. ఈ రోజుకి ఇంకా 71 రోజుల్లో థియేటర్లలోకి రానుంది.

Happy Diwali Folks 😎💥

Celebrate #GameChangerTeaser from Nov 9th 🧨🔥#GameChanger In cinemas near you from 10.01.2025! pic.twitter.com/Y5pbNNftdu

— Game Changer (@GameChangerOffl) October 31, 2024

ఇక సినిమా విషయానికొస్తే, సీనియర్ డైరెక్టర్ శంకర్ అత్యంత ప్రతిష్ఠాత్మకంగా ఈ సినిమా తెరకెక్కించారు. ఈ సినిమాలో రామ్​చరణ్ డ్యుయెల్ రోల్​లో కనిపించనున్నారని టాక్ వినిపిస్తోంది. బాలీవుడ్ బ్యూటీ కియారా అడ్వాణీ హీరోయిన్​గా నటించింది. సీనియర్ నటులు యస్​ జే సూర్య, అంజలీ, శ్రీకాంత్ తదితరులు ఆయా పాత్రల్లో కనిపించనున్నారు. మ్యూజిక్ సంచలనం తమన్ సంగీతం అందించారు. శ్రీ వేంకటేశ్వర బ్యానర్​పై దిల్​రాజు భారీ బడ్జెట్​తో తెలుగు, తమిళం, హిందీ భాషల్లో నిర్మించారు. ఈ సినిమా 2025 సంక్రాంతి బరిలో దిగనుంది.

RC 16 Update : రామ్‌ చరణ్‌ హీరోగా 'ఉప్పెన్' ఫేమ్ బుచ్చిబాబు దర్శకత్వంలో తెరకెక్కనున్న సినిమా అప్డేట్ వచ్చింది. దీపావళి సందర్భంగా మేకర్స్​ అప్టేట్ ఇచ్చారు. RC 16 వర్కింగ్ టైటిల్​తో ఇది తెరకెక్కనుంది. బాలీవుడ్ భామ జాన్వీ కపూర్‌ హీరోయిన్​గా నటించనుంది. మైత్రీ మూవీ మేకర్స్‌ బ్యానర్​పై సినిమాను నిర్మించనున్నారు. ఏఆర్‌ రెహమాన్‌ సంగీతం అందించనున్నారు. ఈ సినిమా రెగ్యులర్‌ షూట్‌ త్వరలోనే ప్రారంభం కానుందని చిత్రబృందం తాజాగా అనౌన్స్ చేసింది.