Rajinikanth Jailer 2 : 'రోబో' తర్వాత 'కొచ్చాడియాన్', 'లింగ', 'కబాలి', '2.0', 'కాలా', 'పేట', 'దర్బార్', 'అన్నాత్తే' వంటి సినిమాలు చేసినా ఏ మూవీ ఇవ్వనీ ఆనందం సూపర్ స్టార్ ఫ్యాన్స్కు 'జైలర్' ఇచ్చింది. ఈ చిత్రంతోనే రజనీకాంత్ భారీ కమ్ బ్యాక్ ఇచ్చారు. ఇక అప్పటివరకు కాస్త డల్గా ఉన్న రజనీ ఫ్యాన్స్ కూడా ఒక్కసారిగా సంబరాల్లో మునిగి తేలారు. అంతలా ఈ చిత్రం రూ.600 వందల కోట్లకుపైగా కలెక్షన్లను సాధించి బిగ్గెస్ట్ బ్లాక్ బస్టర్‌గా నిలిచింది.
నెల్సర్‌ దిలీప్ కుమార్ దర్శకత్వంలోని మ్యాజిక్‌, రజనీకాంత్ మాస్‌ అండ్ స్టైల్ హంగామా, ఎలివేషన్లు, తమన్నా అందాలు, సునీల్, యోగిబాబు కామెడీ ఆద్యంతం అభిమానుల్ని కట్టి పడేసింది. దీనికి తోడు శివ రాజ్‌ కుమార్ మాస్‌ ఎంట్రీ, మోహన్‌లాల్‌ స్పెషల్‌ అట్రాక్షన్ అదరగొట్టేశాయి. థియేటర్లలో ఆడియెన్స్ ఊగిపోయారు. దీంతో ఈ చిత్రం కోలీవుడ్‌లో బిగ్గెస్ట్ బ్లాక్ బస్టర్స్లో ఒకటిగా నిలిచిపోయింది.
అయితే ఈ మూవీకి సీక్వెల్ ఉంటుందని అప్పట్లో నెల్సన్ కుమార్ చెప్పిన సంగతి తెలిసిందే. ఇప్పుడా సినిమా గురించి అప్డేట్ సోషల్ మీడియాలో చక్కర్లు కొడుతోంది. దర్శకుడు దిలీప్ కుమార్ ప్రస్తుతం ఆ ప్రాజెక్ట్ పై వర్క్ చేస్తున్నారట. 'జైలర్ 2' నెక్ట్స్ లెవల్‌లో ఉండేలా ప్లాన్‌ చేస్తున్నారట. నిర్మాణ సంస్థ సన్ పిక్చర్స్ కూడా సీక్వెల్ చేయడానికి గ్రీన్ సిగ్నల్ ఇచ్చేసినట్లు సమాచారం అందుతోంది. రజనీ కూడా సీక్వెల్కు రెడీనే అన్నారట. కాకపోతే ఆయన అందుబాటులోకి రావడానికి కాస్త టైమ్ పట్టే అవకాశం ఉంది.
ప్రస్తుతం రజనీకాంత్ చేతిలో సినిమాలు ఉన్నాయి. టీజీ జ్ఞానవేల్‌ దర్శకత్వంలో అమితాబ్‌ బచ్చన్‌, దగ్గుబాటి రానా, ఫహద్ ఫాజిల్‌, మంజు వారియర్‌, రితికా సింగ్తో కలిసి 'వెట్టయాన్‌' సినిమా చేస్తున్నారు. లైకా ప్రొడక్షన్‌ నిర్మిస్తుంది. ఇప్పటికే రజనీకాంత్ తన కూతురు దర్శకత్వంలో నటించిన 'లాల్‌ సలామ్‌' రిలీజ్కు రెడీగా ఉంది. ఇంకా 'విక్రమ్‌', 'లియో' ఫేమ్‌ లోకేశ్ కనగరాజ్‌ దర్శకత్వంలో ఓ సినిమా చేయనున్నారు. ఈ చిత్రాల తర్వాతే రజనీకాంత్ - నెల్సన్కు అందుబాటులోకి రానున్నారు.
- " class="align-text-top noRightClick twitterSection" data="">
'సలార్' ప్రభాస్ డైలాగ్స్ వీడియో - షాక్ అవుతున్న ఆడియెన్స్!
