Thandel Movie OTT Rights : టాలీవుడ్ స్టార్ హీరో నాగ చైతన్య, సాయి పల్లవి కాంబినేషన్లో తెరకెక్కుతున్న లేటెస్ట్ మూవీ 'తండేల్'. ప్రస్తుతం ఈ సినిమా షూటింగ్ దశలో ఉంది. హైదరాబాద్లో పలు కీలక సన్నివేశాలను మేకర్స్ చిత్రీకరిస్తున్నారట. ఇప్పటికే మేకర్స్ ఈ సినిమాను పాన్ ఇండియా లెవెల్లో తెరకెక్కించేందుకు ప్లాన్ చేస్తున్నారు. ఈ నేపథ్యంలో తాజాగా ఈ మూవీకి సంబంధించిన ఓ అప్డేట్ నెట్టింట ట్రెండ్ అవుతోంది.
ఈ మూవీ అన్ని భాషల డిజిటల్ రైట్స్ను ప్రముఖ ఓటీటీ సంస్థ నెట్ఫ్లిక్స్ సుమారు రూ. 40 కోట్లకు సొంతం చేసుకుందట. అయితే చైతూ ఇప్పటి వరకు తీసిన సినిమాల ఓటీటీ రైట్స్ కంటే ఇది ఎక్కువ అని సమాచారం. అందుకే ఈ 'తండేల్'తో అటు మూవీ టీమ్తో పాటు చైతూ కూడా ఓ అరుదైన రికార్డును సొంతం చేసుకున్నారు.
ఇక తండేల్ సినిమా విషయానికి వస్తే, గీతా ఆర్ట్స్‌ బ్యానర్పై ప్రముఖ నిర్మాత బన్నీవాస్ ఈ చిత్రాన్ని ప్రతిష్టాత్మకంగా నిర్మిస్తున్నారు. అల్లు అరవింద్‌ సమర్పకులుగా వ్యవహరిస్తున్నారు. ఇందులో చైతూ ఓ మత్స్యకారుడిగా కనిపించనున్నారు.
ఒక మత్స్యకారుడి నిజ జీవితంలో జరిగిన ఘటనల ఆధారంగా ఇది తెరకెక్కుతోందని తెలుస్తోంది. ఈ కథంతా సముద్ర తీర ప్రాంతం చుట్టూనే తిరుగనుంది. శ్రీకాకుళంలో మొదలై పాకిస్థాన్ వరకూ చేరుకుంటుందట. సాయిపల్లవి హీరోయిన్గా నటిస్తోంది. ఈ మూవీకి దేవి శ్రీ ప్రసాద్ సంగీతం అందిస్తున్నారు. ఈ సినిమాని మొదట వేసవికి రిలీజ్ చేయాలని అనుకున్నారు కానీ అక్టోబర్కు వాయిదా వేసినట్టు సమాచారం. ఈ మూవీ విడుదలపై ఆ సినిమా యూనిట్ ఇంకా క్లారిటీ ఇవ్వాల్సి ఉంది.
ఇటీవలె ఈ మూవీ గ్లింప్స్ను మేకర్స్ రివీల్ చేశారు. అందులో నాగ చైతన్య రగ్గ్‌డ్ లుక్లో కనిపించగా, సాయి పల్లవి తన క్యూట్ లుక్స్తో ఆకట్టుకున్నారు. బోటుపై చేపల వేటకు వెళ్తున్న చైతూ 'దద్దా గుర్తెట్టుకో ఈపాలి యాట గురి తప్పేదెలేదేస్ ఇక రాజులమ్మ జాతరే' అంటూ చెప్పే డైలాగ్‌ అభిమానులను ఆకట్టుకుంది.
'తండేల్' రిలీజ్పై డైరెక్టర్ క్లూ- ఆ స్టార్లతో బాక్సాఫీస్ పోటీకి సై!
నాగ చైతన్య 'తండేల్' గ్రాండ్ లాంఛ్ - స్పెషల్ అట్రాక్షన్గా సాయి పల్లవి!
