Ramcharan Melbourne Mayor Selfie : మెగా పవర్ స్టార్ రామ్ చరణ్ ఆస్ట్రేలియాలోని మెల్‌బోర్న్‌కు వెళ్లిన సంగతి తెలిసిందే. 'ది ఇండియన్ ఫిల్మ్ ఫెస్టివల్ ఆఫ్ మెల్బోర్న్'కు గౌరవ అతిథిగా హాజరై సందడి చేశారు. ఆస్ట్రేలియాలో మన జాతీయ జెండాను ఎగురవేశారు. అయితే ఆగస్టు 15 నుంచి 25 వరకు జరిగే ఈ ఫిల్మ్ ఫెస్టివల్ లో ప్రత్యేక ఆకర్షణగా 2023లో ఆసీస్ గెలిచిన వన్డే వరల్డ్ కప్ ట్రోఫీని కూడా ప్రదర్శనకు ఉంచారు. ఈ ట్రోఫీతో రామ్ చరణ్ దిగిన ఫొటో తాజాగా వైరల్ అయిన సంగతి తెలిసిందే. ఇప్పుడు మరో ఫొటో కూడా వైరల్గా మారింది. ప్రస్తుతం అందరూ ఈ ఫొటోను తెగ షేర్ చేస్తూ ప్రశంసలు కురిపిస్తున్నారు.
ఇంతకీ ఆ ఫొటో ఏంటంటే? - మెల్బోర్న్ వెళ్లిన రామ్ చరణ్ అక్కడి అభిమానులతో కలిసి సెల్ఫీలు కూడా దిగారు. ఈ క్రమంలోనే మెల్బోర్న్ మేయర్ నిక్‌ రీస్‌ కూడా చరణ్తో కలిసి దిగిన ఫొటోను సోషల్ మీడియాలో పోస్ట్ పెట్టారు. తాను కూడా రామ్ చరణ్‌కు వీరాభిమాని అని పేర్కొన్నారు.
"మన నగరాన్ని గొప్పగా మార్చడంలో ఇక్కడ ఉంటున్న భారతీయులు కీలక పాత్ర పోషిస్తున్నారు. డిప్యూటీ మేయర్ అభ్యర్థి రోషెనాతో కలిసి నేను స్వాతంత్ర్య దినోత్సవ వేడుకలకు వెళ్లాను. అక్కడ రామ్ చరణ్తో కలిసి సెల్ఫీ దిగాను. నా కోరిక తీరింది. నాకున్న విష్‌ లిస్ట్‌లలో ఇదీ ఒకటి" అంటూ రామ్ చరణ్పై తనకున్న అభిమానాన్ని తెలిపారు.
ఈ ఫొటోలను రామ్ చరణ్ ఫ్యాన్స్ తెగ వైరల్ చేస్తున్నారు. "అందుకే రామ్ చరణ్‌ను గ్లోబల్‌ స్టార్ అని పిలిచేది", "త్వరలోనే గేమ్ ఛేంజర్‌ విడుదల అవుతుంది. తప్పకుండా చూడండి" అని కామెంట్లు చేస్తున్నారు.
అంతకుముందు ఆస్ట్రేలియా గురించి రామ్ చరణ్ మాట్లాడుతూ ఈ ప్రాంతం అంటే తనకు ఎంతో ఇష్టమని తెలిపారు. అక్కడ షూటింగ్‌ జరుపుకున్న ఆరెంజ్‌(Ramcharan Orange Movie) రోజులను తాను ఎప్పటికీ మర్చిపోలేనని అన్నారు. ఇండియన్ ఫిల్మ్ ఇండస్ట్రీ అంతర్జాతీయ స్థాయిలో గుర్తింపు తెచ్చుకోవడం చాలా సంతోషంగా ఉందని చెప్పుకొచ్చారు.
Ramcharan Game changer Movie : ప్రస్తుతం రామ్ చరణ్ దిగ్గజ దర్శకుడు శంకర్ డైరెక్షన్లో గేమ్ ఛేంజర్‌ చేస్తున్నారు. పొలిటికల్‌ యాక్షన్‌ డ్రామాగా పవర్ ఫుల్‌ కథాంశంతో రానుంది. డిసెంబర్‌లో ఇది గ్రాండ్గా రిలీజ్ కానుంది. ఇందులో ఎస్ జే సూర్య, సునీల్, అంజలి, నవీన్ చంద్ర సహా పలువురు కీలక పాత్రలో కనిపించనున్నారు.
'నాని, పవన్ కల్యాణ్ మధ్య ఉన్న పోలిక అదే!' : ప్రియాంక మోహన్‌ - Saripodhaa Sanivaaram Priyanka
