1977లో అనౌన్స్​మెంట్​ 2024లో రిలీజ్​కు సిద్ధం - రూ.1000 కోట్ల బడ్జెట్​తో రానున్న సినిమా! - MEGALOPOLIS MOVIE

GOD FATHER DIRECTOR MOVIE MEGALOPOLIS : 1977లో అనౌన్స్​మెంట్​ చేసిన సినిమాకు ఎట్టకేలకు మోక్షం దక్కింది. దాదాపు రూ.1000కోట్ల బడ్జెట్​తో తెరకెక్కిన ఈ చిత్రం ఈ ఏడాది రిలీజ్​కు సిద్ధమైంది. పూర్తి వివరాలు స్టోరీలో

GOD FATHER DIRECTOR MOVIE MEGALOPOLIS : ఓ సినిమా కోసం ఏడాది లేదా రెండు, మూడు సంవత్సరాల సమయం వెచ్చిస్తుంటారు దర్శకులు. టాలీవుడ్​లో రాజ‌మౌళి అలాంటి వారే. కానీ ఓ దర్శకుడు మాత్రం ఏకంగా తన చిత్రం కోసం ఏకంగా 47ఏళ్ల పాటు వెచ్చించారు. అవును ఆయన పేరే ఫ్రాన్సిస్ ఫోర్డ్ కొప్పోల. మెగ‌లోపొలిస్ చిత్రం కోసం ఈ సమయాన్ని కేటాయించారాయన. ఇప్పుడీ చిత్రం ఈ ఏడాది విడుదల కాబోతుంది.

మెగాలోపొలిస్ చిత్రానికి దర్శకుడిగా, రైట‌ర్​గానే కాకుండా నిర్మాతగా వ్యవహరించారు ఫ్రాన్సిఫ్ ఫోర్డ్ కొప్పోల. ఈ చిత్రం కోసం దాదాపు రూ.1000 కోట్ల వ‌ర‌కు బడ్జెట్​ పెట్టారని తెలిసింది. ఫ్రాన్సిఫ్ మొదట ఈ సినిమాను 1977లో అనౌన్స్‌ చేశారు. 1983 నుంచి దీన్ని తెరపైకి తీసుకొచ్చేందుకు ప్రయత్నించారట. ఈ కథ‌ కోసం నికోల‌స్ కేజ్‌, లియోనార్డ్ డికాప్రియో, ర‌సెల్ క్రో, రాబ‌ర్ట్ డీనిరో వంటి స్టార్ హీరోల‌ను సంప్ర‌దించారట. కానీ వర్కౌట్ కాలేదట. ఎన్నో ఇబ్బందులను ఎదుర్కొంటూ వాయిదా పడుతూ ముందు కెళ్లిందట. నిర్మాతలు కూడా ముందుకు రాలేదని తెలిసింది.

దీంతో చేసేదేమి లేక చివరికి ఆడ‌మ్ డ్రైవ‌ర్‌, ఎస్పోసిటో, అబ్రే ప్లాజాతో పాటు ప‌లువురు హాలీవుడ్ న‌టుల‌తో తన సొంత డబ్బును ఖర్చు చేసి సినిమా తీశారట. 2022లో షూటింగ్ మొద‌లుపెట్టారట ఫ్రాన్సిస్ ఫోర్డ్. 2024లో కంప్లీట్ చేశారు. మధ్యలో కరోనా కార‌ణంగా చాలా ఇబ్బందులు ఎదుర‌య్యాయట. ఎన్ని అడ్డంకులు ఎదురైన ఫ్రాన్సిస్ మాత్రం ప‌ట్టు వీడ‌కుండా షూటింగ్ పూర్తి చేశారు. ఇప్పుడు రిలీజ్​కు సిద్ధం చేశారు. మొత్తంగా ఈ ప్రయాణంలో సినిమా కోసం వెయ్యి కోట్ల వరకు ఖర్చు చేశారట. తాజాగా ఈ సినిమా ట్రైలర్​ను కూడా రిలీజ్ చేశారు మేకర్స్​. అంతే కాకుండా సినిమాను కేన్స్ ఫిలిం ఫెస్టివ‌ల్‌లో స్క్రీనింగ్ కూడా చేశారు. ఈ స్క్రీనింగ్‌కు అహిరే రెస్సాన్స్ వ‌చ్చింది. ఈ చిత్రానికి త్వరలోనే ఈ ఏడాది రిలీజ్ చేయబోతున్నారని తెలిసింది.

కాగా, గాడ్ ఫాద‌ర్, గాడ్ ఫాద‌ర్ 2, 3 సినిమాలతో హాలీవుడ్‌లో అగ్ర దర్శకుడిగా ఎదిగిన ఫ్రాన్సిప్ ఫోర్డ్ కొప్పోల కెరీర్​లో మరిన్ని హిట్ చిత్రాలను కూడా తీశారు. జాక్‌, ది రైన్ మేక‌ర్‌, ది ఔట్ సైడ‌ర్స్‌ సహా ప‌లు చిత్రాలకు ద‌ర్శ‌క‌త్వం వ‌హించాడు. చివరిగా 2011లో రిలీజైన ట్విక్సిట్​కు డైరెక్షన్ చేశారు. అనంతరం దాదాపు ప‌ద‌మూడేళ్ల పాటు పూర్తిగా మెగాలోపొలిస్ పైనే దృష్టి పెట్టి తెరకెక్కించారు.

• " class="align-text-top noRightClick twitterSection" data="">