Ajith Good Bad Ugly OTT Rights : తమిళ స్టార్ హీరో అజిత్ ప్రస్తుతం వరుస షూటింగుల్లో బిజీగా ఉన్నారు. ఇటీవలె ఆయన విడాముయర్చి అనే మూవీ షూటింగ్లో యాక్టివ్గా ఉండగా, ఇప్పుడు దాంతో పాటు మైత్రీ మేకర్స్ నిర్మిస్తున్న 'గుడ్ బ్యాడ్ అగ్లీ' చిత్రీకరణలోనూ సందడి చేస్తున్నారు. ఇటీవలే ఈ సినిమాకు సంబంధించిన స్పెషల్ పోస్టర్ను రివీల్ చేసిన మేకర్స్ అందులో రిలీజ్ డేట్ను ప్రకటించారు. వచ్చే ఏడాది సంక్రాంతి కానుకగా విడుదల కానున్నట్లు తెలిపారు.
అయితే తాజాగా ఈ సినిమాకు సంబంధించిన ఓ రూమర్ నెట్టింట తెగ ట్రెండ్ అవుతోంది. ఈ సినిమా ఓటీటీ రైట్స్ భారీ ధరకు అమ్ముడుపోయినట్లు తెలుస్తోంది. సినీ వర్గాల సమాచారం ప్రకారం 'గుడ్ బ్యాడ్ అగ్లీ' రైట్స్ను ప్రముఖ ఓటీటీ సంస్థ నెట్ఫ్లిక్ ఏకంగా రూ.95 కోట్లకు కొనుగోలు చేసిందట. అయితే ఈ విషయంపై ఇంకా అధికారిక సమాచారం తెలియాల్సి ఉంది. ఇక ఈ వార్త విని అజిత్ ఫ్యాన్స్ సంబరాలు చేసుకుంటున్నారు. త్వరగా టీజర్ విడుదల చేయండి అంటూ మూవీ టీమ్ను రిక్వెస్ట్ చేస్తున్నారు.
'గుడ్ బ్యాడ్ అగ్లీ' సినిమా విషయానికి వస్తే, మైత్రి మూవీ మేకర్స్ బ్యానర్ పై నవీన్ ఎర్నేని, రవిశంకర్ ఈ మూవీని భారీ బడ్జెట్తో నిర్మిస్తున్నారు. ప్రముఖ మ్యూజిక్ డైరెక్టర్ దేవి శ్రీ ప్రసాద్ ఈ చిత్రానికి సంగీతం అందిస్తున్నారు. ప్రస్తుతం ఈ సినిమా షూటింగ్ హైదరాబాద్లో జరుగుతోంది.
మరోవైపు అజిత్ నటిస్తున్న విడాముయర్చి కూడా షూటింగ్ దశలో ఉంది. యాక్షన్ థ్రిల్లర్గా రూపొందుతున్న ఈ చిత్రంలో అజిత్ సరసన త్రిష నటిస్తున్నారు. కోలీవుడ్ యంగ్ హీరోయిన్ ప్రియ భవానీ శంకర్తో పాటు బాలీవుడ్ స్టార్ హీరో సంజయ్‌ దత్‌ ఈ మూవీలో కీలక పాత్రలు పోషిస్తున్నారు. తమిళ డైరెక్టర్ మగిళ్‌ తిరుమేని ఈ చిత్రాన్ని ప్రతిష్టాత్మకంగా తెరకెక్కిస్తున్నారు. లైకా సుబాస్కరన్ తన సొంత బ్యానర్ అయిన లైకా ప్రొడక్షన్స్పై ఈ సినిమాను నిర్మిస్తున్నారు.
స్పెషల్ సర్ప్రైజ్ - అజిత్కు నచ్చిన గిఫ్ట్ ఇచ్చిన షాలిని - Kollywood Actor Ajith Birthday
అజిత్ కార్ స్టంట్ వీడియో - క్లారిటీ ఇచ్చిన మూవీ టీమ్! - Ajith Kumar Car Stunt
