Ajith Good Bad And Ugly : రెండు నెలల క్రితమే సంక్రాంతి బాక్సాఫీస్ సీజన్ ముగిసింది. సంక్రాంతి రిలీజ్ డేట్ కోసం దాదాపు 8 సినిమాల వరకు పోటీ పడి చివరకు నాలుగు విడుదలై అందులో రెండు మాత్రమే విజయం సాధించాయి. హనుమాన్ పాన్ ఇండియా రేంజ్లో బ్లాక్ బస్టర్ హిట్ అవ్వగా నా సామి రంగ తెలుగు వరకు మంచి సక్సెస్ను అందుకుంది. అయితే ఈ ముగ్గుల పండగ సీజన్ ముగిసి రెండు నెలలు అయిందో లేదో అప్పుడే వచ్చే ఏడాది సంక్రాంతి బాక్సాఫీస్ ఫైట్ కోసం ఇప్పటి నుంచే కర్ఛీఫ్లు వేస్తున్నాయి ఆయా సినిమాలు. ఇప్పటికే అర డజనుకు పైగా చిత్రాలు రిలీజ్ డేట్ను ఖరారు చేసుకునే పనిలో పడ్డాయి.
అయితే తాజాగా మరో చిత్రం కూడా ఈ పతకాల పండగ సీజన్ కోసం రిలీజ్ డేట్ను కన్ఫామ్ చేసుకుంది. అయితే అది తెలుగు చిత్రం కాదండోయ్. తమిళ స్టార్ హీరో సినిమా. కానీ దీన్ని భారీ బడ్జెట్తో నిర్మించేది మాత్రం మైత్రీ మూవీ మేకర్స్ సంస్థ కావడం విశేషం. గుడ్ బ్యాడ్ అగ్లీ అనే టైటిల్ను ఖరారు చేశారు. అధిక్ రవిచంద్రన్ దీనిని తెరకెక్కిస్తున్నారు. తమిళంలో ఈ సినిమా విడుదలకు ఎలాంటి ఇబ్బంది ఉండవు. కానీ తెలుగులో మాత్రం గట్టి పోటీ నెలకొందనే చెప్పాలి. ముఖ్యంగా మెగాస్టార్ చిరంజీవితో పోటీ పడాల్సి వస్తుంది.
Tollywood Sankranthi 2025 Movies : ఇప్పటికే చిరు తన సోషియో ఫాంటసీ హై బడ్జెట్ చిత్రం విశ్వంభరను 2025 పండగ బరిలో దించబోతున్నట్లు అఫీషియల్గా అనౌన్స్ చేశారు. శతమానం భవతి సీక్వెల్ కూడా అప్పుడే రాబోతుంది. ఇక పాన్ ఇండియా స్టార్ ప్రభాస్ రాజా సాబ్, వెంకటేశ్ - అనిల్ రావిపూడి కాంబో మూవీ, నాగార్జున బంగార్రాజు ఫ్రాంచైజీ చిత్రం, బాలకృష్ణ - బాబీ ఎన్బీకే 109 చిత్రాలు కూడా ఈ పండక్కే వచ్చేందుకు ఫిక్స్ అయినట్లు సమాచారం అందుతోంది. వీటిలో బాలయ్య ఎన్బీకే 109 ఈ ఏడాదైనా రావొచ్చు.
అలా ప్రస్తుతం ఈ చిత్రాలన్నీ సంక్రాంతి కోసమే ముస్తాబవుతున్నాయని తెలుస్తోంది. అంటే దాదాపు ఏడు సినిమాల వరకు ముగ్గుల పండక్కు రానున్నాయన మాట. మరి చివరి కొచ్చేసరికి ఈ సినిమాలన్నింటిలో ఎన్ని నిలబడతాయో? ఎన్ని తప్పుకుంటాయో చూడాలి?
బాలీవుడ్ వర్సెస్ సౌత్ ఇండస్ట్రీ - ఐకాన్ స్టార్ రియాక్షన్ ఇదే
