నవోదయలో సీట్ల కోసం అప్లై చేశారా? - రేపే ప్రవేశ పరీక్ష!

- దేశవ్యాప్తంగా ఏటా జనవరిలో నవదయ ఎంట్రెన్స్​ ఎగ్జామ్​ -పరీక్ష రాసే విద్యార్థులకు నిపుణుల సూచనలు!

Navodaya Vidyalaya Exam Date 2025 : గ్రామీణ, పట్టణ ప్రాంతాల్లోని పేద, మధ్య తరగతి విద్యార్థులకు ఎంతో నైపుణ్యమైన విద్యనందించేందుకు జవహర్‌ నవోదయ విద్యాలయం ఏర్పాటు చేశారు. ప్రతి సంవత్సరం జనవరిలో 6వ తరగతిలో ప్రవేశానికి పరీక్షలు నిర్వహిస్తారు. అయితే, దేశ వ్యాప్తంగా జవహర్‌ నవోదయ విద్యాలయాల్లో 2025-26 సంవత్సరంలో ఆరో తరగతిలో ప్రవేశానికి విద్యార్థులకు ఈ నెల 18న పరీక్షలు నిర్వహించనున్నారు. ఈ క్రమంలో నవోదయ ఎగ్జామ్​కు వెళ్లే విద్యార్థులకు నిపుణులు కొన్ని ముఖ్య సూచనలను తెలియజేస్తున్నారు. ఆ వివరాలు మీ కోసం.

ఇప్పటికే జవహర్ నవోదయ విద్యాలయాల్లో 2025-26 విద్యా సంవత్సరానికి ఆరో తరగతిలో ప్రవేశాలకు అప్లై చేసుకున్న విద్యార్థులకు హాల్ టికెట్లు విడుదలయ్యాయి. ఈ పరీక్షకు హాజరయ్యే విద్యార్థులు రిజిస్ట్రేషన్ నెంబర్, పుట్టిన తేదీ వివరాలు నమోదు చేసి డౌన్ లోడ్ చేసుకోవాలి.

సూచనలు :

• ఎగ్జామ్​ రాసే విద్యార్థులు రెండు హాల్‌ టికెట్లు డౌన్‌లోన్‌ చేసుకోవాలి.
• హాల్‌ టికెట్‌పై సంబంధిత పాఠశాల ప్రధానోపాధ్యాయుడి సంతకం ఉండాలి. ప్రధానోపాధ్యాయుడు సంతకం చేసిన ఒక హాల్‌ టికెట్​ ఇన్విజిలేటర్‌కు ఇవ్వాలి.
• బ్లాక్‌ లేదా బ్లూ పెన్నుతోనే పరీక్ష రాయాలి.
• గంట ముందుగా విద్యార్థులు ఎగ్జామ్​ సెంటర్​కి చేరుకోవాలి.
• విద్యార్థులు తమ వెంట ఎలాంటి ఎలక్ట్రానిక్‌ పరికరాలు తీసుకురాకూడదు.
• రాత పరీక్ష ఉదయం 11.30 నుంచి మధ్యాహ్నం 1.30 నిమిషాల వరకు ఉంటుంది.
• విద్యార్థులను 10.45 గంటల నుంచే పరీక్ష కేంద్రంలోకి అనుమతి ఇస్తారు.
• మార్నింగ్​ 11 గంటల వరకు విద్యార్థులను అనుమతిస్తారు.
• తర్వాత ఒక్క నిమిషం అలస్యమైనా పరీక్ష కేంద్రంలోపలికి అనుమతించరు.

పరీక్ష విధానం :

నవోదయ ఎంట్రెన్స్​ ఎగ్జామ్​ ప్రశ్నపత్రంలో 80 ప్రశ్నలకు 100 మార్కులు కేటాయించారు. ప్రతీ ప్రశ్నకు 1.25 మార్కులు ఉంటాయి. మేధాశక్తిలో 40 ప్రశ్నలకు 50 మార్కులు, మ్యాథ్స్​లో 20 ప్రశ్నలకు 25 మార్కులు, భాషా పరిజ్ఞానంలో 20 ప్రశ్నలకు 25 మార్కులు ఉంటాయి. ఆపై రాత పరీక్షలో వచ్చే మార్కుల ఆధారంగా విద్యార్థుల ఎంపిక ఉంటుంది.

మరికొన్ని సూచనలు :

• పరీక్షకు ముందు రోజు బాగా నిద్రపోండి.
• ప్రతి ప్రశ్నను రెండుసార్లు చదివి, అర్థం చేసుకుని ఆ తర్వాత సమాధానం ఇవ్వండి.
• పశ్నకు అందించిన అన్ని ఆప్షన్లను జాగ్రత్తగా చదివి, సరైన సమాధానాన్ని ఎంచుకోండి.
• ఒక ప్రశ్నపై ఎక్కువ సమయం వృథా చేయవద్దు. ప్రశ్న కఠినంగా అనిపిస్తే తర్వాత ప్రశ్న చదవండి.
• మీకు తెలియని ప్రశ్నలను తర్వాత చేయండి.

ఆల్​ ది బెస్ట్​!