హాట్ సమ్మర్​లో కూల్​గా కార్ డ్రైవ్ చేయాలా? ఈ టాప్​-5 AC మెయింటెనెన్స్ టిప్స్​ మీ కోసమే! - Car AC Maintenance Tips

Useful Tips To Maintain Car AC In Summer : వేసవి తాపాన్ని తట్టుకునేందుకు చాలా మంది కారులో ఏసీని పెడుతుంటారు. అయితే కొందరు కారులో ఏసీని ఎలా ఉపయోగించుకోవాలో తెలియక ఇబ్బందులు పడుతుంటారు. అందుకే ఈ ఆర్టికల్​లో మండే వేసవిలోనూ కారులో చల్లగా ప్రయాణించేందుకు ఉపయోగపడే టాప్​-5 ఏసీ మెయింటెనెన్స్ టిప్స్ గురించి తెలుసుకుందాం.

Useful Tips To Maintain Car AC In Summer : ఈ వేసవిలో ఎండలు మండిపోతున్నాయి. ఉక్కపోతతో ప్రజలు తీవ్ర ఇబ్బందులు ఎదుర్కొంటున్నారు. ఇంట్లో ఉన్నా, కారులో బయటకు వెళ్లినా ఉక్కపోతతో చెమటలు పడుతున్నారు. కొందరు తమ కారులో ఏసీ(ఎయిర్ కండిషనింగ్​) ఉన్నా, దాన్ని సరిగ్గా వినియోగించుకోలేక నానా అవస్థలు పడుతుంటారు. అందుకే ఇప్పుడు మండే వేసవిలోనూ కారులో చల్లగా ప్రయాణించేందుకు ఉపయోగపడే టాప్​-5 ఏసీ మెయింటెనెన్స్ టిప్స్ గురించి తెలుసుకుందాం.

Car AC Maintenance Tips : ఏసీ బాగా పనిచేయాలంటే, ముందుగా మీ కారులో ఉన్న ఏసీ మంచి కండిషన్​లో ఉందో, లేదో చెక్ చేసుకోవడం చాలా ముఖ్యం. ఏసీ సరిగ్గా పనిచేయకపోతే మీరు ప్రయాణంలో ఉక్కపోతకు గురవుతారు. కొన్నిసార్లు చెమటలు పట్టి డీహైడ్రేషన్ సమస్యను ఎదుర్కొంటారు. అందుకే మీ కారు క్యాబిన్​ను చల్లగా ఉంచడానికి ఉపయోగపడే టాప్​-5 టిప్స్ గురించి ఇప్పుడు తెలుసుకుందాం.

సర్వీస్​ చేయించాలి : మీ కారులోని ఏసీని ఒకసారి చెక్​, అవసరమైతే దానికి సర్వీసింగ్ చేయించాలి. అప్పుడే ఎలాంటి సమస్య లేకుండా ఏసీ పని చేస్తుంది. వేసవి ఉష్ణోగ్రతల నుంచి మీకు ఉపశమనాన్ని అందిస్తుంది.

ప్రీ-కూలింగ్​ : మీరు ప్రయాణాన్ని ప్రారంభించే ముందు కారులో ఉన్న వేడి గాలి బయటకు వెళ్లేందుకు, కొన్ని నిమిషాల పాటు డోర్స్, విండోలను తెరిచి ఉంచాలి. మీ కారులో సన్‌రూఫ్ కూడా ఉన్నట్లయితే, దానిని తెరవాలి. అప్పుడే పై నుంచి వేడి గాలి త్వరగా బయటకు వెలుతుంది. ఏసీ ఆన్​ చేసిన తరువాత కారు లోపల త్వరగా చల్లబడుతుంది.

ఆప్టిమైజ్ ఏసీ సెట్టింగ్స్​ : మీరు కారులోకి ఎక్కిన తర్వాత ఏసీని ఆన్ చేసి, రీసర్క్యులేషన్ మోడ్​ను స్విచ్​-ఆఫ్​ చేయాలి. ఇలా చేయడం వల్ల ఏసీ స్వచ్ఛమైన బయటి గాలిని తీసుకోగలుగుతుంది. అంతేకాకుండా క్యాబిన్‌ను వేగంగా చల్లబరుస్తుంది. క్యాబిన్ ఉష్ణోగ్రత తగ్గిన తర్వాత కూలింగ్​ను మరింత పెంచేందుకు రీసర్క్యులేషన్ మోడ్‌ను తిరిగి ఆన్ చేయాలి.

అడ్జెస్ట్ టెంపరేచర్​ : కారులో మరింత చల్లదనం కావాలంటే, ఏసీ టెంపరేచర్​ను బాగా తగ్గించాలి. ఎయిర్​ఫ్లోను పెంచాలి. దీని వల్ల కారు క్యాబిన్ బాగా కూల్ అవుతుంది. కానీ ఫ్యూయెల్ మాత్రం కాస్త ఎక్కువగా ఖర్చవుతుంది. ఈ విషయాన్ని మీరు గమనించాలి.

కస్టమైజ్ ఎయిర్​వెంట్స్​ : మీరు ఒంటరిగా కారులో ప్రయాణిస్తున్నట్లయితే, మీ వైపు ఉన్న ఏసీ వెంట్‌లను మాత్రమే తెరవాలి. మిగిలిన వాటిని బంద్ చేయాలి. దీని వల్ల ఏసీ మీకు మాత్రమే తగులుతుంది. ఒకవేళ మీ పక్కన ఫ్రంట్​ సీట్​లో మరొక వ్యక్తి ఉంటే, మీ ఇద్దరికి కూలింగ్ ఉండేలా ఏసీ వెంట్స్​ను ఎడ్జెస్ట్ చేసుకోవాలి. ఈ విధంగా చేస్తే, మండే వేసవిలోనూ మీరు కూల్​గా ప్రయాణించవచ్చు.