Online Insurance Vs Offline Insurance : ఆరోగ్య బీమా, జీవిత బీమా, వాహన బీమా ఇలా బీమా సౌకర్యాన్ని ప్రస్తుతం ఆన్లైన్ లేదా ఆఫ్లైన్ కొనుగోలు చేయవచ్చు. ఆన్లైన్ కంటే ఆఫ్ లైన్కే ఎక్కువగా ప్రాధాన్యత ఉంది. దశాబ్దాలుగా ఆఫ్లైన్ కొనసాగుతూ వస్తోంది. కొవిడ్ లాక్డౌన్ పరిమాణాల అనంతరం ఆఫ్లైన్ ప్రాముఖ్యత పెరిగింది. పలు రకాల బీమా పాలసీలను ఆన్లైన్లోనే కొనుగోలు చేయడం వల్ల అనేక ప్రయోజనాలు పొందుతున్నారు. చౌక్ పాలసీతోపాటు మెరుగైన ఫ్లెక్సిబిలిటీని పొందవచ్చు. అంతేకాదు పాలసీలను సరిపోల్చడానికి మీరు సరిపోయే బీమాను ఎంచుకునేందుకు ఆన్ లైన్ మీకు పూర్తి స్వచ్చు ఉంటుంది. అయితే మీరు పాలసీని కొనుగోలు చేసే ముందు ఆఫ్లైన్, ఆన్లైన్ ఈ రెండింటిలో ఏది మంచిదో తెలుసుకోవాలి.
ఆన్లైన్లో కొనుగోలు ప్రక్రియ
మీరు ఆన్లైన్లో బీమా కొనుగోలు చేయాలనుకుంటే ముందుగా మీరు బీమా సంస్థకు చెందిన అధికారిక వెబ్సైట్ లేదంటే మొబైల్ యాప్లో లాగిన్ అవ్వాలి. వ్యక్తిగత వివరాలను ఆన్లైన్లోనే నమోదు చేయాలి. ఎలాంటి పత్రాలను సమర్పించాల్సిన అవసరం ఉండదు. కానీ కొన్ని ముఖ్యమైన పత్రాలను అప్లోడ్ చేయాలి. ఈ వివరాలను బట్టి ప్రీమియం ఎంతనేది బీమా సంస్థ నిర్ణయిస్తుంది. అయితే నిబంధనలను జాగ్రత్తగా పరిశీలించిన తర్వాతే ప్రీమియం చెల్లించాలి. తర్వత మీకు సంస్థ ఈమెయిల్ ద్వారా పాలసీ డాక్యుమెంట్ పంపిస్తుంది.
ఆఫ్లైన్లో బీమా పాలసీ
ఆఫ్లైన్లో కొనుగోలు చేస్తే బీమా ప్లాన్స్ను మాన్యువల్గా సరిపోల్చాలి. దరఖాస్తును పూర్తి చేసి ఆ దరఖాస్తులో అడిగిన వివరాల డాక్యుమెంట్స్ను కూడా సమర్పించాలి. అవసరమైన పత్రాల్లో వైద్య రికార్డు, జనన ధ్రువీకరణ పత్రం, ఆధార్ కార్డు, అడ్రస్ మొదలైనవి ఉంటాయి. మీ దరఖాస్తు బీమా సంస్థ ఆమోదించిన తర్వాత పాలసీకి సంబంధించిన రశీదును ఇస్తారు. బీమాకు సంబంధించిన పత్రాలను పోస్టులో ఇంటి చిరునామాకు పంపిస్తారు.
విశ్వసనీయత
ఆన్లైన్లో బీమా కొనుగోలు చేసే ముందు రివ్యూలను, రేటింగ్స్ను చెక్ చేయవచ్చు. బీమా సంస్థ గురించి పూర్తి వివరాలను తెలుసుకోవచ్చు. ఈ రివ్యూలు ఆన్లైన్లో ఎంతగానో ఉపయోగపడతాయి. కానీ ఆఫ్లైన్లో అలాంటి సదుపాయాలు ఉండవు. ఏజెంట్ చెప్పిన వివరాల మేరకే పాలసీ తీసుకోవల్సి ఉంటుంది.
క్లెయిమ్ ప్రక్రియ
ఆరోగ్య బీమా ఉంటే ఆస్పత్రిలో చేరే ముందు ఆన్లైన్లో క్లెయిమ్ ప్రక్రియలో ఈమెయిల్ ద్వారా బీమా సంస్థకు సమాచారం అందించాలి. ఆ తర్వాతే బీమా సంస్థ వెబ్సైట్ లేదా మొబైల్ యాప్లో అందుబాటులో ఉన్న నెట్ వర్క్ ఆస్పత్రుల జాబితా నుంచి ఎంచుకోవాలి. ఆ తర్వాత క్లెయిమ్ చేసుకోవచ్చు.
ఆఫ్లైన్లో అయితే ఆస్పత్రిలో చేరిన వెంటనే బీమా సంస్థ థర్డ్ పార్టీకి అడ్మినిస్ట్రేటర్ ఫోన్ చేసి చెప్పాలి. అక్కడి నుంచి వారు ప్రాసెస్ చేస్తారు. ఇదంతాకూడా నగదు రహితంగా ఉంటుంది. ఇతర ఆస్పత్రుల్లో చేరితే ముందు నగదు చెల్లించి తర్వాత బీమా సంస్థ ద్వారా రీయింబర్స్మెంట్ తీసుకోవచ్చు.
పాలసీ రెన్యువల్
ఆన్లైన్లో పాలసీ రెన్యువల్ చాలా ఈజీ. సంస్థ వెబ్ సైట్ లేదా యాప్ ద్వారా రెన్యువల్ చేసుకోవచ్చు. ఆఫ్లైన్లో అయితే మీ బీమా సంస్థ సమీప శాఖ కార్యాలయాన్ని సందర్శించి అక్కడ ప్రీమియం చెల్లించాలి. లేదంటే ఏజెంట్ దగ్గరకు వెళ్లి పూర్తి చేసుకోవాలి. ఆఫ్లైన్ కొంత సమయం పడుతుంది.
ప్రస్తుతం టెక్నాలజీ పెరిగింది. కానీ అందరూ అక్షరాస్యుల కారు. కంప్యూటర్పై అవగాహన చాలా తక్కువ. అలాంటి వ్యక్తులకు ఆఫ్లైన్ బెటర్. ఎందుకంటే ఏజెంట్ నుంచి పూర్తి వివరాలు తెలుసుకుని తమకు నచ్చిన పాలసీని కొనుగోలు చేయవచ్చు.
