Bajaj Pulsar NS400Z Launch : దేశీయ ఆటోమొబైల్ కంపెనీ బజాజ్ శుక్రవారం పల్సర్ ఎన్ఎస్400 జెడ్ బైక్ను ఇండియాలో లాంఛ్ చేసింది. స్టన్నింగ్స్ లుక్స్తో ఇది బైక్ లవర్స్ను ఇట్టే ఆకట్టుకుంటోంది.
Bajaj Pulsar NS400Z Features
- ఈ బజాజ్ పల్సర్ ఎన్ఎస్400జెడ్ బైక్లో 373సీసీ లిక్విడ్-కూల్డ్, సింగిల్-సిలిండర్ ఇంజిన్ అమర్చారు. ఇది 8,800 rpm వద్ద 40హెచ్పీ పవర్, 6,500 rpm వద్ద 35 ఎన్ఎం టార్క్ జనరేట్ చేస్తుంది.
- ఈ బైక్పై గరిష్ఠంగా గంటకు 154 కి.మీ వేగంతో ప్రయాణించవచ్చని కంపెనీ చెబుతోంది.
- ఈ బజాజ్ పల్సర్ బైక్ 6-స్పీడ్ గేర్బాక్స్ సెటప్తో వస్తుంది. అలాగే ఇది స్లిప్-అండ-అసిస్ట్ క్లచ్ కలిగి ఉంది.
- 43ఎంఎం యూఎస్డీ ఫోర్క్, ప్రీలోడ్-అడ్జస్టబుల్ మోనోషాక్లు సస్పెన్షన్ డ్యూటీని నిర్వహిస్తాయి.
- 4-పిస్టన్ గ్రిమెకా యాక్సియల్ కాలిపర్తో జతచేసిన 320 ఎంఎం ఫ్రంట్ డిస్క్, 230 ఎంఎం బ్యాక్ డిస్క్లు బ్రేకింగ్ వ్యవస్థను కంట్రోల్ చేస్తాయి.
- ఈ పల్సర్ బైక్లో 12 లీటర్ల ఇంధన ట్యాంక్ ఉంది.
- ఈ బైక్ మొత్తం బరువు 174 కిలోలు ఉంటుంది. అంటే డొమినార్ బైక్ కంటే 19 కిలోలు తక్కువ బరువుతో వస్తుంది.
- ఈ బజాజ్ పల్సర్ ఎన్ఎస్400జెడ్ బైక్లో 4 రైడింగ్ మోడ్స్ ఉన్నాయి. అవి: స్పోర్ట్స్, రోడ్, రెయిన్, ఆఫ్రోడ్.
- ఈ బైక్లో 3 లెవెల్స్ ట్రాక్షన్ కంట్రోల్, డ్యూయెల్ ఛానల్ ఏబీఎస్ (ఆఫ్-రోడ్ రైడింగ్ మోడ్లో మాత్రమే) ఉన్నాయి. అయితే ఈ రైడర్ ఎయిడ్స్ అన్నింటినీ కలర్ ఎల్సీడీ డ్యాష్ నియంత్రిస్తుంటుంది.
- ఈ బైక్లో నావిగేషన్ డేటాను చూపడానికి ఒక చిన్న స్క్రీన్ ఉంటుంది. దీనిలో ల్యాప్ టైమర్ ఉంటుంది.
- ఈ బజాజ్ పల్సర్ ఎన్ఎస్400జెడ్ బైక్ 4 కలర్ ఆప్షన్లలో లభిస్తుంది.
Bajaj Pulsar NS400Z Price : మార్కెట్లో ఈ బజాజ్ పల్సర్ ఎన్ఎస్400 జెడ్ బైక్ ప్రారంభ ధర రూ.1.85 లక్షలుగా ఉంది. ఇప్పటికే దీని బుకింగ్ కూడా ప్రారంభమైంది. దేశవ్యాప్తంగా ఉన్న బజాజ్ షోరూమ్ల్లో, బజాజ్ వైబ్సైట్లో కేవలం రూ.5000 చెల్లించి దీనిని బుక్ చేసుకోవచ్చు. జూన్లో దీనిని డెలివరీ చేస్తారు.
రూ.1.5 లక్షల బడ్జెట్లో మంచి బైక్ కొనాలా? టాప్-10 ఆప్షన్స్ ఇవే! - Best Bikes In 2024
