'தீ' செயலி குறித்து சைக்கிள் விழிப்புணர்வு பேரணியை தொடங்கிய சைலேந்திரபாபு!

அவசர காலங்களில் பொதுமக்கள் உடனடியாக தீயணைப்புத் துறையை எவ்வாறு எளிதாக அணுக வேண்டும் என்பதற்காக 'தீ' என்ற செயலி அறிமுகம் செய்யப்பட்டுள்ளது. இந்த செயலியை பொதுமக்கள் தங்கள் செல்போனில் பதிவிறக்கம் செய்துகொண்டு தீ மற்றும் மீட்பு போன்ற அவசர காலங்களில் செயலியிலுள்ள உதவி என்ற பட்டனை அழுத்தினால் அருகில் உள்ள தீயணைப்பு மற்றும் மீட்புப் பணிகள் துறையினர் விரைந்து வந்து ஆபத்தில் சிக்கியவர்களை எளிதில் மீட்கவும் காப்பாற்றவும் பயன்படும் வகையில் உருவாக்கப்பட்டுள்ளது. 'தீ' செயலி குறித்து பொதுமக்கள் மத்தியில் விழிப்புணர்வு ஏற்படுத்தும் வகையில் தீயணைப்புத் துறை இயக்குநர் சைலேந்திரபாபு தலைமையிலான தீயணைப்பு குழுவினர் சென்னையில் இருந்து ஏலகிரி மலை வரை சைக்கிள் பேரணியை தொடங்கினர்.