தூத்துக்குடி 51 வது மிஸ்டர் தமிழ்நாடு ஆணழகன் போட்டி: விக்னேஷ் என்ற இளைஞர் தேர்வு!

தூத்துக்குடி: தூத்துக்குடியில் தமிழ்நாடு தமிழன் அமெச்சூர் ஆணழகன் மற்றும் உடற்தகுதி சங்கம் தூத்துக்குடி மாவட்ட அமெச்சூர் ஆணழகன் மற்றும் உடற் தகுதி சங்கம் சார்பில் 51 வது மிஸ்டர் தமிழ்நாடு ஆணழகன் போட்டி நடைபெற்றது. இதில், சென்னை, திண்டுக்கல், தேனி, செங்கல்பட்டு, நாமக்கல், நெல்லை, தூத்துக்குடி உள்ளிட்ட பல்வேறு மாவட்டங்களைச் சேர்ந்த 150-க்கு மேற்பட்ட இளைஞர்கள் கலந்துகொண்டு தங்கள் உடற்கட்டை காண்பித்து ஆணழகன் போட்டியில் கலந்து கொண்டு தங்களை கட்டுடல் தேகத்தை பார்வையாளர்களுக்கு காட்டி வியக்க வைத்தனர்.

இந்த போட்டிகள் மென் கிளாசிக், மென் பிசிக்ஸ், உயரப் பிரிவு, எடைப்பிரிவு, என பல்வேறு பிரிவுகளாக நடத்தப்பட்டது. இதில், வெற்றி பெற்ற இளைஞர்களுக்கு சான்றிதழ் மற்றும் கேடயம் பரிசாக வழங்கப்பட்டது. இதில், 173 சென்டி மீட்டர் உயரப் பிரிவில் தூத்துக்குடியைச் சேர்ந்த விக்னேஷ் என்ற இளைஞர் மிஸ்டர் தமிழ்நாடு போட்டிக்கு தேர்வு செய்யப்பட்டார். 

இந்த ஆணழகன் போட்டிகளில் சிறப்பாக செயல்பட்டு ஒட்டுமொத்த அளவில் அதிக புள்ளிகள் பெறும் இளைஞர் 51 ஆவது மிஸ்டர் தமிழ்நாடு ஆக தேர்வு செய்யப்பட உள்ளார். இந்த போட்டிகளை ஏராளமானோர் கண்டுகளித்தனர்.