Watch: பட்டப்பகலில் நகைக் கடையில் கொள்ளை முயற்சி: கடைக்காரரின் துணிச்சலால் தப்பிய நகைகள்!

உத்தராகண்ட்: ஹரித்வார் மாவட்டம் ஷிவாலிக் நகரில் 'அமன்' நகைக் கடை செயல்பட்டு வருகிறது. இன்று (ஜுன் 8) பகல் 1.30 மணியளவில் 6 பேர் கொண்ட கும்பல் கடைக்குள் புகுந்து துப்பாக்கி முனையில் கடைக்காரரை மிரட்டி தாக்கியுள்ளனர். கடைக்காரரும் கொள்ளையர்களை தாக்க, உடன் கடைக்கு வந்திருந்த வாடிக்கையாளர்களும் தாக்குல் நடத்த கொள்ளையர்கள் பைக்கில் தப்பிச் சென்றனர். 5 பேர் தப்பிய நிலையில் ஒருவரை பொதுமக்கள் பிடித்து காவல்துறையிடம் ஒப்படைத்தனர். கடைக்காரரின் துணிச்சலான செயலால் பல கோடி மதிப்புள்ள நகைகள் தப்பின. இச்சம்பவம் கடையின் சிசிடிவி கேமராவில் பதிவாகியுள்ளது.