கோழிப்பண்ணையில் தீ விபத்து.. தீக்கிரையான கறிக்கோழிக்குஞ்சுகள்!

கோயம்புத்தூர் மாவட்டம் அன்னூர் அடுத்துள்ள ஆம்போதி கிராமத்தில் கணேஷ்குமார் என்பவருக்கு சொந்தமான கோழிப்பண்ணையில், நேற்றிரவு (மார்ச் 19) திடீரென தீ விபத்து ஏற்பட்டது. இரண்டு மணி நேர போராட்டத்திற்கு பிறகு தீயணைப்புத்துறையினர் தீயை அணைத்தனர். இதில், சுமார் 8 ஆயிரத்துக்கும் மேற்பட்ட கறிக்கோழிக்குஞ்சுகள் தீக்கிரையாகின. இது குறித்து அன்னூர் காவல்துறையினர் வழக்குப்பதிவு செய்து தீவிர விசாரணை மேற்கொண்டு வருகின்றனர்.