மீனவர்களுடன் மீனவராக மாறிய ராகுல் காந்தி!

இரண்டு நாள் சுற்றுப்பயணமாக கேரளா சென்றுள்ள காங்கிரஸ் முன்னாள் தலைவரும், வயநாடு எம்பி.யுமான ராகுல் காந்தி கொல்லத்தில் மீனவர்களுடன் ஒன்றாகப் படகில் பயணம் செய்து வலை வீசி மீன் பிடித்தார். பின்னர் மீன்களை படகில் வைத்து மீனவர்கள் சமைத்துக் கொடுத்தனர். கடலில் மீன்பிடித்துக் கொண்டிருந்த போது திடீரென ராகுல் காந்தி கடலில் குதித்து நீச்சல் அடித்தார். ராகுல் காந்தி கடலில் குதித்ததை சற்றும் எதிர்பார்க்காத மீனவர்களும் பாதுகாப்பு அலுவலர்களும் அதிர்ச்சியடைந்தனர். ராகுலின் பாதுகாப்பிற்காக பாதுகாப்பு அலுவலர்களும் கடலில் குதித்தனர். ராகுல் காந்தி மிகவும் எளிமையாக தங்களுடன் பழகினார் என்று மீனவர்கள் மகிழ்ச்சியுடன் தெரிவித்தனர்.