நீர்ப்பறவையை போல நீருக்கு மேலே பறக்கும் கடல் விமானம்

பிரதமரின் ஆத்ம நிர்பர் பாரத் திட்டத்தினால் உத்வேகம் பெற்ற, கர்நாடக மாநிலத்தைச் சேர்ந்த புஷ்பராஜ், உடுப்பி இளைஞர்களுடன் இணைந்து மைக்ரோ-லைட் கடல் விமானத்தைக் கண்டுபிடித்து அசத்தியுள்ளார். இந்தியாவின், முதன்முதலாக இறக்குமதி செய்யப்பட்ட கடல் விமானத்தை, பிரதமர் மோடி தொடக்கி வைத்தார். அந்த வரிசையில் தற்போது புஷ்பராஜ் கண்டுபிடித்த விமானமும் இணைந்துள்ளது. இந்த மைக்ரோ-லைட் கடல் விமானத்தை உருவாக்க புஷ்பராஜூக்கு 15 ஆண்டுகள் ஆகியுள்ளது. சரியான திட்டமிடல், விடா முயற்சி, ஆர்வம் இருந்தால் எதுவும் சாத்தியமே என்பதற்கு புஷ்பராஜ் மிகச்சிறந்த சான்று.