Watch: அடுத்தடுத்து சிலிண்டர்கள் வெடிப்பு - புனேயில் பயங்கரம்

புனேயில் கத்ராஜ் பகுதியில் எரிவாயு சிலிண்டர்கள் வெடித்ததில் குடோன் ஒன்றில் தீ விபத்து ஏற்பட்டுள்ளது. குடோனில் இருந்த 8 முதல் 10 சிலிண்டர்கள் வரை வெடித்ததாக கூறப்படுகிறது. மாலை 5 மணியளவில் தீயணைப்புத் துறையினருக்கு சிலிண்டர்கள் வெடித்து தீ விபத்து ஏற்பட்டுள்ளதாக அழைப்பு வந்துள்ளது. தகவலை அடுத்து சம்பவ இடத்திற்கு விரைந்து சென்ற தீயணைப்பு வீரர்கள், தீயை அணைக்கும் முயற்சியில் ஈடுபட்டனர். தற்போது வரை உயிரிழப்பு ஏதும் பதிவாகவில்லை என்பது குறிப்பிடத்தக்கது.