ஐதராபாத் : நீரிழிவு நோய் உடலின் பல பாகங்களை பாதிக்கின்றது. குறிப்பாக நீரிழிவு நோய் உள்ளவர்களுக்கு அவர்களின் துவாரங்கள், பற்கள் மற்றும் ஈறுகளில் பல பிரச்சனைகள் இருக்க வாய்ப்புள்ளது. இவ்வாறு தோன்றும் வாய் பிரச்சனைகளில் சில நீரிழிவு நோயை மோசமாக்குகிறது. எனவே, உங்களின் பற்கள் மற்றும் ஈறுகளை கவனித்துக்கொள்வது அவசியமாகும். உங்கள் வாயை ஆரோக்கியமாகவும், சுத்தமாகவும் வைத்திருப்பது நீரிழிவு நோயைக் கட்டுப்படுத்த உதவும்.
நீரிழிவு நோய் எவ்வாறு வாயை பாதிக்கிறது
உமிழ்நீர் வாயை ஈரமாக வைத்திருக்க உதவுகிறது. உமிழ்நீரில் வாயில் உள்ள திசுக்களைப் பாதுகாக்கவும், பல் சிதைவை எதிர்த்துப் போராடவும் உதவும் தாதுக்கள் உள்ளன. நீரிழிவு நோய்க்கு சிகிச்சையளிக்கப் பயன்படுத்தப்படும் சில மருந்து பொருள்களால் வாயில் உள்ள உமிழ்நீர் சுரப்பிகள் குறைவான உமிழ்நீரை உருவாக்குகிறது. உமிழ்நீர் குறைவாக சுரப்பதால் பல் துவாரங்கள், ஈறு நோய் மற்றும் பிற வாய்ப் பிரச்சனைகள் ஏற்பட வழிவகுக்கிறது.
நீரிழிவு நோயினால் ஏற்படும் வாய்ப் பிரச்சனைகள்:
ஈறு நோய்: தீவிரமான வாய்ப் பிரச்சனையாகும். இதனால் ஈறுகளில் சிவப்பு, வீக்கம், எரிச்சல், இரத்தப்போக்கு, வாய் துர்நாற்றம் மற்றும் கடுமையான பல் இழப்பு ஆகியவை ஏற்படும்.
வறண்ட வாய்: நீரிழிவு நோய் உமிழ்நீர் சுரக்கும் அளவை குறைப்பதற்கு வழிவகுக்கிறது. இதனால் வாய் வறட்சி ஏற்படும். உமிழ்நீர் பற்றாக்குறையால் புண்கள் மற்றும் தொற்றுகள் ஏற்படும். மேலும், துவாரங்கள் மற்றும் விழுங்குவதில் சிரமம் உண்டாகும்.
பூஞ்சை தொற்று: நீரிழிவு நோயால் பாதிக்கப்பட்டவர்கள் பூஞ்சை தொற்றால் பாதிக்கப்படுகின்றனர். இதன் விளைவாக தொண்டை புண் மற்றும் விழுங்குவதில் சிரமம் ஏற்படலாம்.
எரிச்சல்: நீரிழிவு நோயால் பாதிக்கப்பட்ட சிலருக்கு வாயில், நாக்கில் அல்லது உதடுகளில் எரியும் உணர்வு ஏற்படும். இதனால் நாம் உண்ணும் உணவு மற்றும் பானங்களின் சுவையில் மாற்றங்கள் ஏற்பட வாய்ப்புள்ளது.
தாமதமாக காயம் குணமடைதல்: நீரிழிவு நோய் உள்ளவர்களுக்கு வாய் புண்கள் அல்லது காயங்கள் ஏற்பட்டால் அவை குணமடைய அதிக நேரம் எடுக்கும்.
நீரிழிவு நோயினால் ஏற்படும் வாய்ப் பிரச்சனையின் அறிகுறிகள்:
- ஈறுகள் வீக்கம் அல்லது இரத்தப்போக்கு
- பல் துலக்கிய பிறகும் வாய் துர்நாற்றம்.
- உதடுகளில் விரிசல் மற்றும் வெடிப்பு
- வாய் புண்கள்
- பற்களிடையே இடைவெளிகள்
- வாய் அல்லது தொண்டையில் வலி மற்றும் எரிச்சல் உணர்வு
- கரடுமுரடான நாக்கு
- மெல்லுதல் மற்றும் விழுங்குவதில் சிக்கல்
நீரிழிவு நோயால் ஏற்படும் வாய் பிரச்சனையை சரிசெய்வது எப்படி:
- வாய் பிரச்சனைகளுக்கான அறிகுறிகள் இருந்தால் உடனடியாக பல் மருத்துவரைப் பார்க்கவும்.
- பழங்கள் மற்றும் காய்கறிகள் போன்ற ஆரோக்கியமான உணவை உண்ணுதல்
- ஆரோக்கியமான எடையை பராமரிப்பது
- ஆல்கஹால், புகைபிடித்தல், காஃபின் மற்றும் நிறைய சர்க்கரை உட்கொள்வதை தவிர்த்தல்.
- அதிகளவு தண்ணீர் குடித்தல்
- உப்பு மற்றும் காரமான உணவுகளை தவிர்த்தல்.
இதையும் படிங்க: நீரிழிவு நோயாளிகள் முட்டை சாப்பிடலாமா? கூடாதா?.. அமெரிக்க அளித்த அதிர்ச்சி தகவல்!
