சென்னை: தினமும் தலைக்கு குளித்தால் தலைமுடி கொட்டிவிடும், எண்ணெய் தடவாமல் விட்டால் கொட்டிவிடும் என்று பல கட்டுக் கதைகளை உண்மையென நம்பியிருப்போம். அப்படி பரவிய 9 கட்டுக்கதைகள் மற்றும் அதன் உண்மைகள் குறித்து இங்கே தெரிந்து கொள்ளுங்கள்.
- கட்டுக்கதை 1: தினமும் தலைக்கு குளித்தால், முடி உதிர்வு ஏற்படும்.
உண்மை: தினமும் தலைக்கு குளிப்பதால் முடி கொட்டிவிடாது. நாள்தோறும் வெளியில் செல்லும்பட்சத்தில் முடியில் மாசு படிந்துவிடும். அதனால் தினமும் தலைக்கு குளிக்கலாம் அல்லது தண்ணீரில் கழுவலாம். ஆனால், தொடர்ந்து சுடு தண்ணீரை பயன்படுத்தக்கூடாது. முடிக்கு சல்பேட் இல்லாத மைல்டு ஷாம்பூவைப் பயன்படுத்த வேண்டும்.
- கட்டுக்கதை 2: கோடையில் ஹேர் கண்டிஷனரைப் பயன்படுத்தினால் முடி வேர்களில் சுரக்கும் எண்ணெய் பசையாகும்.
உண்மை: கோடை காலத்தில் அதிகப்படியான வெயில் மற்றும் நீச்சல் குளங்களின் குளிக்கும்போது குளோரின் காரணமாக முடி வறண்டு சேதமடைகிறது. இந்த நேரத்தில் ஹேர் கண்டிஷனரைப் பயன்படுத்தலாம். வெளியில் செல்லாதப் பட்சத்தில் தேவைப்பாடாது.
- கட்டுக்கதை 4: கோடைக்காலத்தில் முடிக்கு எண்ணெய் பயன்படுத்தினால் பிசுபிசுப்பு ஏற்படும், வேர்களை அடைக்கும்.
உண்மை: முடி வேர்களில் சேதம் ஏற்படுவதைத் தடுக்க, எண்ணெய் பயன்படுத்துவது பாதுகாப்பானதாகும். அப்போது, முடி மென்மையாகவும், பளபளப்பாகவும் இருக்கும். சொல்லப் போனால், எண்ணெய் பயன்படுத்துவது முடியை உள்ளே இருந்து வலுப்படுத்துகிறது.
- கட்டுக்கதை 5: அடிக்கடி உங்கள் ஷாம்பு மற்றும் கண்டிஷனரை மாற்றக் கூடாது.
உண்மை: உங்கள் ஷாம்பு அல்லது கண்டிஷனரை மாற்றுவது என்பது நீங்கள் வசிக்கும் இடம் மற்றும் காலநிலையை பொறுத்தது. அதற்கேற்ப தோல் மருத்துவரின் ஆலோசனையின்படி பொருத்தமான ஷாம்பு மற்றும் கண்டிஷனரை மாற்றிப் பயன்படுத்தலாம்.
- கட்டுக்கதை 6: முடிக்கு எண்ணெய் தடவினால் பொடுகு சரியாகிவிடும்.
உண்மை: பொதுவாக பொடுகு பூஞ்சையால் ஏற்படுகிறது. தலைக்கு எண்ணெய் தடவுவது மூலம் சரியாகி விடாது. அதற்கு பதிலாக, ஆன்டி-பொடுகு ஷாம்பூவைப் பயன்படுத்தினால், சரியாகும்.
- கட்டுக்கதை 7: கோடையில் ஹீட் ஸ்டைலிங் முடியை அதிகமாக சேதப்படுத்துகிறது.
உண்மை: கோடையில் மட்டுமல்ல, வருடத்தின் எந்த நேரத்திலும் ஹீட் ஸ்டைலிங் தலைமுடியை சேதப்படுத்தும். எந்தவொரு ஹீட் ஸ்டைலிங் கருவிகளையும் பயன்படுத்துவதற்கு முன்பு எப்போதும் முடியில் ஈரப்பதத்ததை தக்கவைக்கும் கண்டிஷனர் அல்லது எண்ணெய்களை பயன்படுத்த வேண்டும்.
- கட்டுக்கதை 8: எண்ணெய் தடவாமல்விட்டால் முடி கொட்டும்.
உண்மை: தலை முடிக்கு எண்ணெய் தடவுவது சிறந்த ஒன்றாகும். ஆனால், எண்ணெய் தடவாமல் விட்டால் முடி கொட்டும் என்பது உண்மையல்ல. தேவைப்படும்போது அல்லது முடி வறண்டு காணப்படும்போது எண்ணெய் பயன்படுத்தலாம்.
- கட்டுக்கதை 9: கோடையில் முடி வளராது.
உண்மை: கோடை காலங்களில் முடியின் வளர்ச்சி குறையும் என்று கட்டுக்கதை உள்ளது. ஆனால், முடி வளர்ச்சியில் 10-15 சதவீதம் கோடையிலேயே அதிகமாக இருக்கும் என்று நிபுணர்கள் கண்டறிந்துள்ளனர்.
இதையும் படிங்க: தூங்குவதற்கு 3 மணி நேரத்திற்கு முன் விளக்குகளை அணைத்தால் கர்ப்பகால நீரிழிவு நோய் அபாயம் குறையும்: ஆய்வில் தகவல்
