விருதுநகர் மாவட்டம் ராஜபாளையம் அருகே உள்ள நக்கனேரி பகுதியைச் சேர்ந்தவர் ராசையா (60). இவர் பழ வியாபாரம் செய்துவருகிறார். 2016ஆம் ஆண்டு ஜமீன் கொல்லங்கொண்டான் பகுதிக்கு பழ வியாபாரம் செய்ய சென்ற இடத்தில், பள்ளியில் விளையாடிக்கொண்டிருந்த ஆறு வயது சிறுமியை பாலியல் வன்கொடுமை செய்துள்ளார். இந்தச் சம்பவம் அப்பகுதியில் பெரும் அதிர்வலையை ஏற்படுத்தியது.
பழ வியாபாரி ராசையாவிற்கு 5 வருட சிறைத்தண்டனை
இந்நிலையில், சிறுமியை பாலியல் வன்கொடுமை செய்த ராசையாவை ராஜபாளையம் அனைத்து மகளிர் காவல் நிலைய காவல் துறையினர் வழக்குப்பதிவு செய்து கைது செய்தனர். இது தொடர்பான வழக்கு ஸ்ரீவில்லிபுத்தூரில் உள்ள மாவட்ட மகளிர் விரைவு நீதிமன்றத்தில் நடைபெற்றுவந்தது.
இவ்வழக்கை விசாரித்த நீதிபதி பரிமளா, பழ வியாபாரி ராசையாவிற்கு ஐந்து ஆண்டுகள் சிறை தண்டனையும், 25 ஆயிரம் அபராதம் விதித்து தீர்ப்பளித்தார்.
