தமிழ்நாட்டில் கடந்த சில நாள்களாக வெயில் வாட்டி வதைத்து வந்த நிலையில், வெப்பச்சலனம் காரணமாக தென் தமிழ்நாட்டில் கனமழைக்கு வாய்ப்புள்ளதாக வானிலை ஆய்வு மையம் தெரிவித்திருந்தது.
இந்த நிலையில் விருதுநகர் மாவட்டம் - ஸ்ரீவில்லிபுத்தூர், அதன் சுற்றுவட்டாரப் பகுதிகளில் நேற்று மாலை 2 மணி நேரத்திற்கும் மேலாக பலத்த காற்றுடன் கூடிய கனமழை பெய்தது.
இதனால் மம்சாபுரம் பகுதியில் மாடசாமி என்பவருக்குச் சொந்தமான வாழைத்தோப்பில் அரை விளைச்சலில் விளைந்திருந்த 150-க்கும் மேற்பட்ட வாழை மரங்கள் கீழே விழுந்து சேதமானது. இதனால் விவசாயிக்கு 2 லட்சம் ரூபாய் வரை, நஷ்டம் ஏற்பட்டுள்ளதாகவும் தமிழ்நாடு அரசு விவசாயிகளுக்கு உரிய நிவாரணம் வழங்க வேண்டும் என்றும் கோரிக்கை விடுத்துள்ளார்.
இதையும் படிங்க: இனிப்பிற்கு இனிப்பு சேர்த்த புவிசார் குறியீடு - கோவில்பட்டி கடலை மிட்டாய்க்கு வைர மகுடம்
