110 வயது மூதாட்டியுடன் பேச்சு கொடுத்த ராஜேந்திர பாலாஜி

விருதுநகர்: தேர்தல் பரப்பரையின் போது, அமைச்சர் ராஜேந்திர பாலாஜி தின்ணையில் அமர்ந்து கொண்டு 110 வயது மூதாட்டியிடம், சகஜமாக பேசி வாக்கு சேகரிப்பில் ஈடுபட்டார்.

விருதுநகர் மாவட்டம் ராஜபாளையம் சட்டப்பேரவைத் தொகுதியில் போட்டியிடும் பால்வளத்துறை அமைச்சர் ராஜேந்திர பாலாஜி கடந்த ஒரு வார காலமாகவே தீவிரத் தேர்தல் பரப்புரையில் ஈடுபட்டுவருகிறார். நேற்று ( மார்ச் 24 ) ஒவ்வொரு பகுதியாக சென்று தனக்கு ஆதரவு கோரிய அவரை பொதுமக்கள் ஆரத்தி எடுத்து வரவேற்றனர்.

குறுகிய தெரு பகுதிகளில் இருசக்கர வாகனத்தில் சென்ற அவர் இரட்டை இலை சின்னத்திற்கு வாக்களித்து வெற்றி பெறச் செய்யுங்கள் என கேட்டுக்கொண்டார். அப்போது மடத்துபட்டி தெருவில் வசிக்கும் 110 வயது மூதாட்டி ராமம்மாள் என்பவரை சந்தித்த அமைச்சர், அவருடன் திண்ணையில் அமர்ந்து கொண்டு சகஜமாக பேசி வாக்கு சேகரித்தார்.