விருதுநகர் மாவட்டம் ஸ்ரீவில்லிபுத்தூர் - சிவகாசி பிரதான சாலையில் உள்ள கொலூர்பட்டி பகுதியில் அதிவேகமாக வந்த கார் ஒன்று கட்டுப்பாட்டை இழந்து சாலையில் அருகில் உள்ள வீடு மற்றும் மின் கம்பத்தில் மோதி பலத்த சேதமடைந்துள்ளது.
பின்னர், கார் ஓட்டுநர் அங்கிருந்து தப்பி ஓடினார். இது தொடர்பாக நகர் காவல் துறையினர் சம்பவ இடத்திற்கு விரைந்து சென்று விசாரணை நடத்தி மின் கம்பத்தில் மோதிய கார் யாருக்கு சொந்தமானது, ஓட்டுநர் யார், கார் எந்த பகுதியைச் சேர்ந்தது என்பது குறித்து விசாரித்துவருகின்றனர்.
மேலும், மின் வாரிய அலுவர்கள், சேதமடைந்த மின் கம்பத்தை பார்வையிட்டு சேத மதிப்பீடு செய்யும் பணியில் ஈடுபட்டுள்ளனர். மின் கம்பம் சேதமடைந்ததில் யாருக்கும் எவ்வித பாதிப்பும் ஏற்படாததால் மின்சாரம் அப்பகுதியில் மட்டும் சிறுது நேரம் துண்டிக்கப்பட்டுள்ளது.
இதையும் படிங்க: லாரி மீது இருசக்கர வாகனம் மோதல்: இருவர் உயிரிழப்பு!
