விருதுநகர் மாவட்டம் சாத்தூர் அருகே வெம்பக்கோட்டை செல்லும் வழியில் மடத்துப்பட்டி விலக்கில் ரமேஷ்குமார் தலைமையிலான தேர்தல் பறக்கும் படையினர் வாகன சோதனையில் ஈடுபட்டிருந்தனர்.
அப்போது இருசக்கர வாகனத்தில் சென்ற சிவகாசி சாட்சியாபுரம் பகுதியைச் சேர்ந்த ராமலிங்கம் என்பவரை சோதனை செய்தபோது உரிய ஆவணங்கள் இன்றி கொண்டு வந்த 90 ஆயிரம் ரூபாயை தேர்தல் பறக்கும் படையினர் பறிமுதல் செய்துள்ளனர்.
பறிமுதல் செய்த பணத்தை சாத்தூர் வட்டாட்சியர் ரங்கநாதனிடம் ஒப்படைத்துள்ளனர். மேலும், ஆவணங்களின்றி சிக்கிய பணம்குறித்து காவல் துறையினர் விசாரணை நடைபெற்றுவருகின்றனர்.
