தமிழ்நாட்டில் அதிகரித்து வரும் கரோனாவை கட்டுப்படுத்த ஆகஸ்ட் 31ஆம் தேதி வரை ஊரடங்கை நீட்டித்து தமிழ்நாடு அரசு உத்தரவிட்டுள்ளது. மேலும், ஆகஸ்ட் மாதத்தில் உள்ள அனைத்து ஞாயிறுக் கிழமைகளில் எந்த தளர்வுகளும் இல்லாமல் முழு ஊரடங்கு கடைபிடிக்கப்படும் என தெரிவிக்கப்பட்டது.
இந்நிலையில், ஸ்ரீவில்லிபுத்தூர் அருகே இலந்தைகுளம் பகுதியில் நேற்று முன்தினம் (ஆகஸ்ட் 2) முழு ஊரடங்கை பயன்படுத்திய அடையாளம் தெரியாத நபர்கள், டாஸ்மாக் கடையின் பூட்டை உடைத்து 60 ஆயிரம் மதிப்புள்ள 350க்கும் மேற்பட்ட மது பாட்டில்களை கொள்ளையடித்துச் சென்றனர். தகவலறிந்து வந்த நத்தம்பட்டி காவல்துறையினர் வழக்குப் பதிவு செய்து மதுபான பாட்டில்களை கொள்ளையடித்துச் சென்றவர்களை தேடி வருகின்றனர்.
