விழுப்புரம் மாவட்டம் கள்ளக்குறிச்சியில் உள்ள 20வது வார்டில் உள்ள அகரத்தான் கொள்ளை தெருவில் நீண்ட காலமாக குடிநீர் வரவில்லை என பொதுமக்கள் பலமுறை நகராட்சி அதிகாரிகளிடத்தில் புகார் அளித்தனர்.
இந்நிலையில் கடந்த இரண்டு மாதங்களாக குடிநீர் விநியோகம் செய்யப்படவில்லை என்பதாலும், வெயில் காலம் என்பதாலும் குடிநீர் தட்டுபாடு அதிகரித்துள்ளது. இதனால் ஆத்திரமடைந்த பொதுமக்கள் கள்ளக்குறிச்சி அண்ணா நகரில் உள்ள நகராட்சி அலுவலகத்திற்கு காலிக் குடங்களுடன் சென்று நகராட்சி பொறியாளரை முற்றுகையிட்டனர்.
இதையடுத்து குடிநீர் வழங்குவதற்கு வழிவகைகள் செய்து தரப்படும் நகராட்சி அலுவலர் கூறியதை அடுத்து அங்கிருந்து கலைந்து சென்றனர். இதனால் நகராட்சி அலுவலகத்தில் சிறிது நேரம் பரபரப்பு நிலவியது.
குடிநீர் கேட்டு நகராட்சி அதிகாரியை முற்றுகையிட்ட பொதுமக்கள்
