விழுப்புரம்: மாவட்டத்தில் உள்ள அனைத்து டாஸ்மாக் கடைகளுக்கும் இரண்டு நாள்கள் விடுமுறை அறிவித்து மாவட்ட ஆட்சியர் ஆ.அண்ணாதுரை உத்தரவிட்டுள்ளார்.
திருவள்ளுவர் தினம், குடியரசு தினம் ஆகிய பண்டிகை தினங்களை முன்னிட்டு ஜனவரி 16, ஜனவரி 26 ஆகிய தேதிகளில் விழுப்புரம் மாவட்டத்தில் உள்ள டாஸ்மாக் மதுபானக் கடைகள் அனைத்தும் மூடப்பட வேண்டும். அன்றைய தினம் மதுபானம் விற்பனை செய்யக்கூடாது. மீறினால் மதுபான விதிமுறைகளின்படி சம்பந்தப்பட்டவர்கள் மீது கடுமையான நடவடிக்கை எடுக்கப்படும்.
எனவே, மாவட்ட ஆட்சியரின் உத்தரவுப்படி மேற்படி நாள்களில் விழுப்புரம் மாவட்டத்தில் உள்ள அனைத்து அரசு டாஸ்மாக் மதுபான கடைகள், மதுபானக் கூடங்கள், தனியார் மதுபான விடுதிகள் இயங்காது" எனத் தெரிவிக்கப்பட்டுள்ளது.
