விழுப்புரம் மாவட்டம் சேஷசமுத்திரம், பிள்ளையார் கோவில் தெருவைச் சேர்ந்த பெரியசாமியின் மகன் ராஜா. இவர் தொடர்ந்து கள்ளச்சாராயம் காய்ச்சுதல், விற்றல் போன்ற குற்றச்செயல்களில் ஈடுபட்டுவந்துள்ளார்.
இவர் மீது ஏற்கனவே, திருக்கோவிலூர் மதுவிலக்கு அமலாக்கப் பிரிவில் பல்வேறு வழக்குகள் நிலுவையில் உள்ளன. மேலும் தொடர்ந்து குற்றச்செயலில் ஈடுபட்டு வந்துள்ள ராஜாவின் நடவடிக்கையை கட்டுப்படுத்தும் விதமாக விழுப்புரம் மாவட்ட காவல் கண்காணிப்பாளர் ஜெயக்குமாரின் பரிந்துரையை ஏற்று, ராஜாவை குண்டர் தடுப்புச் சட்டத்தில் சிறையில் அடைக்க மாவட்ட ஆட்சியர் சுப்பிரமணியன் உத்தரவிட்டார்.
அதன்பேரில் ராஜாவை கைது செய்த காவல் துறையினர், அவரை குண்டர் தடுப்புச் சட்டத்தின் கீழ் வழக்குப்பதிவு செய்து சிறையில் அடைத்தனர்.
