விழுப்புரம் மாவட்டத்தில், புதுச்சேரியிலிருந்து விழுப்புரம் வழியாக மதுபாட்டில்கள் கடத்தப்படுவதாக காவல்துறையினருக்கு ரகசிய தகவல் வந்தது. அந்த வகையில் புதுச்சேரியிலிருந்து விழுப்புரம் நோக்கி செல்லும் பேருந்துகளில் காவல்துறையினர் சோதனையில் ஈடுபட்டிருந்தனர். அப்போது, அந்த வழியாக வந்த TN 32 N 2166 பதிவு எண் கொண்ட அரசுப் பேருந்தை நிறுத்தி காவல்துறையினர் சோதனை செய்தபோது, அதில் ஆறு கட்டை பைகளில் எந்த அனுமதியோ அல்லது உரிமமும் இன்றி 695 புதுச்சேரி மாநில மதுபாட்டில்கள் கடத்தி வந்தது தெரியவந்தது.
இதனையடுத்து, கடத்தலில் ஈடுபட்ட திருவண்ணாமலையைச் சேர்ந்த சங்கீதா, தேவகி, ரேவதி ஆகிய மூன்று பேரையும் காவல்துறையினர் கைது செய்து, அவர்களிடம் இருந்த மதுபாட்டில்களை பறிமுதல் செய்தனர்.
