கள்ளக்குறிச்சி வட்டாரத்தில் பட்டா இல்லாமல் நுழைந்த இயற்கை நண்பர்கள்

விழுப்புரம்: கள்ளக்குறிச்சி சுற்றுவட்டாரப் பகுதியில் உள்ள மின்கம்பிகளில், கீச் கீச் என்ற சத்ததுடன் எழில் மிகு நகரம் உருவாகியுள்ளது அப்பகுதி மக்களை வியப்பில் ஆழ்த்தியுள்ளது.

எண்பது, தொன்னூறு காலக்கட்டத்தில் அதிகாலை, மாலை நேரங்களில் வீதியில் நடந்து சென்றால் கீச், கீச் என்ற சத்தம் கிராமங்கள் முழுவதும் ஆக்கிரமிக்கும். வளர்ந்து வந்த நாகரீகம், தொழில்நுட்பம் காரணமாக காலப்போக்கில் அந்த சத்தங்கள் குறைந்து, ஆங்காங்கே பாடல் ஒலிகளும், மனித சத்தமும் அதிகரிக்க தொடங்கின. அந்த கீச், கீச் சத்தம் முற்றிலும் காணாமல் போனது. இதற்கு காரணம் கதிர்வீச்சுகளின் தாக்கம் என்றாலும், அழகிய சத்ததை கொடுத்த தூக்கனாங்குருவி, சிட்டுக்குருவிகளை பாதுகாக்காமல், தொழில்நுட்பத்தை பயன்படுத்துவதிலியே ஆர்வமாய் இருந்தோம்.

இதனால் இன்று கிராமம் மற்றும் நகரங்களில் ஒரு குருவியின் சத்ததையாவது கேட்டுவிட மாட்டோமா என செல்போனில் டெக்டர் செயலியை ஆன் செய்து வைத்துக் கொண்டு காடு, மலை, முகடு, தரிசு நிலம் என அனைத்துப் பகுதியிலும் அலைந்து வருகிறோம். ஆனால் அதற்கு பலன் ஏதும் இல்லை. தற்போது தான் அறிவு வந்தது போலும், இருபது வருடம் கோமாவில் இருந்து தெளிந்தது போல,குருவிகளை காக்க அனைவரும் முயற்சிக்க வேண்டும் என வலுவான கோரிக்கைகள் எழுகின்றன.

தூக்குனாங்குருவி கூடு

அவை எங்களை காப்பாற்றுங்கள் என தங்களது இனிமையான சத்ததின் மூலம் பத்தாண்டுகளாக கத்தி வந்தன. ஆனால் அதையெல்லாம் நாம் காதில் வாங்கவில்லை. ஆனால் தற்போது அவை பாவம் செய்யாமல், புண்ணியம் மட்டுமே செய்ததால் சொர்க்கத்திற்கு சென்று விட்டன. இப்போது அவற்றை தேடினால் எப்படிக் கிடக்கும். இதற்கு மாற்றாக சில கிராம மக்கள் புண்ணியம் செய்ததற்கு பலனாக அந்த பகுதியில் மட்டும் சில குருவி வகைகளை காண முடிகிறது. அதில் சிலப்பகுதிகள் தான் விழுப்புரம் மாவட்டம், கள்ளக்குறிச்சி சுற்றுவட்டாரப் பகுதிகள்.

அங்கு உள்ள சில கிராமங்களில் 90களில் கேட்ட அந்த அழகிய ஒசை மீண்டும் கேட்க தொடங்கியுள்ளது. அந்த பகுதியில் உள்ள மின்கம்பங்களில் வரிசையாக கூடு கட்டி சிட்டுக் குருவிகள் வாழ்ந்து வருகிறது. பார்ப்பதற்கு அழகிய இயற்கை நிறைந்த எழில்மிகு நகரமாக அந்த பகுதி காணப்படுகிறது.

இது அப்பகுதி பொதுமக்களிடையே ஆச்சர்யத்தையும், பார்ப்பவரை மதி மயங்கவும் வைக்கிறது. பருவ மழை தொடங்கும் முன்னரே சிட்டுக்குருவிகள் தன் வாழ்வையும், வாழ்வாதாரத்தையும் தானே இயற்கைச் சூழலில் கட்டமைக்கும் என்பதை நாம் இப்போது இதன்மூலம் பார்க்க முடிகிறது. சிட்டுக்குருவிகள் தான் வாழும் வீட்டை பூச்சிக்கொல்லி மருந்து பயன்படுத்தாத இடத்தில் அமைத்து கொள்ளதான் விரும்பும் என்பதற்கு இது ஒரு உதாரணம் ஆகும். மேலும் தங்கள் இணை மற்றும் குஞ்சுகளுக்கு ஏற்றவாறு இரண்டிற்கும் ஆறு அறைகள் வைத்தே சுறுசுறுப்பாக தன் கூட்டைக் கட்டி திறமையாகவும் அறிவாளியாகவும் செயல்படுகிறது. கொஞ்சம் என்றாலும் மன நிறைவோடு வாழ வேண்டும் என்பதே சிட்டுக்குருவியின் மூலம் நாம் கற்க வேண்டிய பாடமாகும்.

இதையும் படிங்க:"இயற்கைக்கு புறம்பாக வாழ்ந்து வருகிறோம்"