சென்னையில் நள்ளிரவில் பழம் ஏற்றுமதி செய்யும் தொழிலதிபர் ஒருவர் போதையில் சொகுசுக்காரை ஓட்டிவந்து ஆட்டோ ஒன்றின்மீது மோதி விபத்தை ஏற்படுத்தினார். அது மட்டும் இல்லாமல் சம்பவ இடத்திற்கு வந்த நீலாங்கரை காவலர்களிடம் தகாத வார்த்தைகளில் பேசினார். இந்த வீடியோ சமூக வலை தளங்களில் வெளியாகி வேகமாக பரவியது.
காவல்துறையினருடன் தகராறு
இந்த வீடியோவில் இருக்கும் நபர் தமிழ்நாடு சட்டத்துறை அமைச்சர் சி.வி.சண்முகத்தின் மகன் என்று சிலர் உண்மைக்குப் புறம்பான தகவலைப் பதிவிட்டு சமூகவலை தளங்களில் பரப்பினர். இவ்வாறு தவறான தகவல்களை சமூக வலை தளங்களில் பரப்பியவர்கள் மீது நடவடிக்கை எடுக்கக்கோரி சி.வி சண்முகம் சென்னை மாநகர காவல் ஆணையரிடம் நேரில் சென்று புகார் அளித்துள்ளார். இதையடுத்து இரண்டு பிரிவுகளின் கீழ் வழக்குப்பதிவு செய்த காவல்துறையினர் அவதூறு வீடியோ பரப்பிய நபரை தேடி வருகின்றனர்.
