திருக்கோவிலூர் அருகே உள்ள லா.கூடலூர் ஊராட்சி பகுதியிலிருந்து 14 பேர் டாடா ஏசி சரக்கு வாகனத்தில் ராவுத்தநல்லூர் ஆஞ்சநேயர் கோவிலுக்குச் சென்றுள்ளனர். அப்போது கடம்பூர் பகுதியில் உள்ள வளைவுச் சாலையில் எதிரே எரிவாயு ஏற்றி வந்த லாரியுடன் நேருக்கு நேர் மோதி விபத்துக்குள்ளானது.
இந்த விபத்தில் டாடா ஏசி வாகனத்தில் இருந்த மகாலட்சுமி, பொன்மலை செல்வன், தமிழரசன் ஆகிய மூவர் சம்பவ இடத்திலேயே உயிரிழந்தனர். படுகாயமடைந்த 10க்கும் மேற்பட்டவர்களை அங்கிருந்த மக்கள் மீட்டு முதலுதவி சிகிச்சையளித்து 108 ஆம்புலன்ஸ் மூலம் திருக்கோவிலூர் அரசு மருத்துவமனைக்கு அனுப்பி வைத்தனர்.
காயமடைந்தவர்களில் 5 பேரை மட்டும் மேல் சிகிச்சைக்காக முண்டியம்பாக்கம் மருத்துவக் கல்லூரி மருத்துவமனைக்கு அனுப்பிவைத்துள்ளனர். இந்த விபத்து குறித்து திருப்பாலப்பந்தல் காவல் துறையினர் வழக்குப்பதிவு செய்து விசாரணை நடத்தி வருகின்றனர்.
இதையும் படிங்க: தலைக்குப்புற கவிழ்ந்து டாடா ஏசி விபத்து: ஒருவர் உயிரிழப்பு
