கள்ளக்குறிச்சி அருகே தியாகதுருகம் சந்தைமேடு பகுதியைச் சேர்ந்தவர் அக்பர் அலி. இவர் சென்னை சாலையில் பழைய இரும்புக் கடை வைத்துள்ளார். நேற்று வழக்கம் போல் கடையைப் பூட்டிவிட்டு வீட்டிற்குச் சென்றுள்ளார்.
இன்று அதிகாலை 2 மணியளவில் அவரது கடையில் தீ விபத்து ஏற்பட்டுள்ளது. இதனைப் பார்த்த அக்கம்பக்கத்தினர் தீயணைப்புத் துறையினருக்கு தகவல் தெரிவித்தனர். அதனடிப்படையில் விரைந்துவந்த அலுவலர்கள் ஒருமணி நேரம் போராடி தீயைக் கட்டுக்குள் கொண்டுவந்தனர்.
Kallakurichi old iron shop fire, பழைய இரும்பு கடையில் தீ விபத்து
இருப்பினும், 2 லட்சம் மதிப்புள்ள பிளாஸ்டிக் பொருட்கள் முற்றிலும் தீயில் கருகி சேதமடைந்தது. காவல்துறையினரின் முதற்கட்ட விசாரணையில் மின்கசிவு காரணமாக தீ விபத்து ஏற்பட்டதாக தெரியவந்தள்ளது.
இதையும் படிங்க: பாத்திரக்கடை தீவிபத்து - பொருட்கள் நாசம்
