மத்திய அரசின் தொழில் வர்த்தக கொள்கைக்கு எதிர்ப்பு தெரிவிக்கும் விதமாக தொழிற்சங்கங்கள் சார்பில் நாடு தழுவிய வேலை நிறுத்தப் போராட்டம் இன்று நடைபெற்று வருகிறது.
இதேபோல், கேரளா உள்ளிட்ட பல்வேறு மாநிலங்களிலும் போக்குவரத்து உள்ளிட்ட அரசு சேவைகள் முடங்கியுள்ளன. இதனால், பொதுமக்கள் இயல்பு வாழ்க்கை முடங்கியுள்ளது.
இந்த போராட்டத்தால் தமிழ்நாட்டு மக்களுக்கு பெரும் பாதிப்பு ஏதும் ஏற்படவில்லை. அரசு, தனியார் பேருந்துகள், ஆட்டோக்கள் வழக்கம்போல் இயங்கிவருகின்றன.
ஒரு சில பகுதிகளில் தனியார் பேருந்துகள் மட்டும் இயக்கப்படவில்லை. விழுப்புரத்திலிருந்து புதுச்சேரி செல்லும் அரசுப் பேருந்துகள், புதுச்சேரி எல்லையான மதகடிப்பட்டு வரை மட்டும் இயக்கப்படுகிறது.
பொதுமக்கள் அங்கிருந்து புதுச்சேரி செல்வதற்கு தனியார் பேருந்துகளுக்காக காத்திருக்கும் நிலை ஏற்பட்டுள்ளது.
இதையும் படிங்க: 'மத்திய தொழிற்சங்கங்கள் சார்பில் சாலை மறியல்' - எஸ்.கே. தியாகராஜன் அறிவிப்பு
