கள்ளக்குறிச்சி மாவட்டம் சவுரியார் பாளையம் கிராமத்தைச் சேர்ந்தவர் அருள்தாஸ். இவருடைய மகன் அலெக்சாண்டர், கள்ளக்குறிச்சி மாவட்ட ஆயுதப்படை காவலராக பணியாற்றி வருகிறார்.
வழக்கம்போல் இன்று பணிக்கு வந்த அலெக்சாண்டர், பணியை முடித்துக்கொண்டு வீடு திரும்புகையில் குடும்பத் தகராறு காரணமாக ஏமப்பேர் பேருந்து நிறுத்தம் அருகே விஷம் அருந்தி தற்கொலைக்கு முயற்சித்துள்ளார்.
இதுகுறித்து அலெக்சாண்டர், மனைவி அல்போன்ஸிடம் தெரிவித்துள்ளார். இதனைத்தொடர்ந்து அல்போன்ஸ் சக காவலர்களிடம் கொடுத்த தகவலின் பேரில் அலெக்சாண்டரை காவலர்கள் மீட்டு கள்ளக்குறிச்சி அரசு மருத்துவமனையில் சேர்த்தனர்.
பின்னர் மேல் சிகிச்சைக்காக அலெக்சாண்டர் சென்னை ஸ்டான்லி அரசு மருத்துவமனைக்கு கொண்டு செல்லப்பட்டார். இந்த சம்பவம் குறித்து கள்ளக்குறிச்சி காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர்.
இதையும் படிங்க:
