விழுப்புரம் மாவட்டம் கோட்டக்குப்பம் அருகே உள்ள ஓமலூர் பேருந்து நிறுத்தத்தில் கோட்டக்குப்பம் காவல் நிலைய ஆய்வாளர் விஷ்ணுப்பிரியா தலைமையிலான காவல் துறையினர் இன்று அதிகாலையில் வாகனச் சோதனையில் ஈடுபட்டுக்கொண்டிருந்தனர்.
அப்போது புதுச்சேரியிலிருந்து சென்னை மார்க்கமாக வேகமாக வந்த மினி வேனை நிறுத்தி சோதனை செய்துள்ளனர். அப்போது அதில் எவ்வித ஆவணங்களின்றி 50 பெட்டிகளில் இரண்டாயிரத்து 400 மதுபாட்டில்கள் கடத்திவந்தது தெரியவந்தது.
இதையடுத்து அவற்றை பறிமுதல்செய்த காவல் துறையினர் தப்பியோடிய வாகன ஓட்டுநரை தேடிவருகின்றனர். மேலும் இது தொடர்பாக வழக்குப்பதிவு செய்து விசாரணை நடத்திவருகின்றனர்.
இதையும் படிங்க: காலி மதுபாட்டில்களால் கேலி சித்திரமாகும் சுகாதாரம்...
