கள்ளக்குறிச்சி அருகே உள்ள கல்வராயன் மலைப் பகுதியில் 175 மலைக் கிராமங்கள் உள்ளது. இங்கு முக்கிய பகுதியாக வெள்ளி மலை உள்ளது. இவ்வெள்ளி மலைப் பகுதியில் 30 ஆண்டுகளுக்கு முன்பு கால்நடை மருத்துவமனை கட்டப்பட்டு பொதுமக்கள் பயன்பாட்டிற்குக் கொண்டு வரப்பட்டது. ஆனால், காலப்போக்கில் கட்டிடமானது சிதிலமடைந்து இடிந்து விழும் நிலைக்கு தள்ளப்பட்டுள்ளது.
30 ஆண்டு கால்நடை மருத்துவமனை! சமூக விரோதிகளின் கூடாரமாக மாறும் அவலம்!
இக்கால்நடை மருத்துவமனை இரவு நேரங்களில், சமூக விரோதிகளின் கூடாரமாக மாறிவிட்டதாக அப்பகுதி மக்கள் குற்றஞ்சாட்டுகின்றனர். இதனால் மிகவும் சிரமப்படுவதாகவும், மாவட்ட ஆட்சியர் இவ்விவகாரத்தில் தலையிட்டு உரிய நடவடிக்கை எடுக்க வேண்டுமெனவும் மக்கள் கோரிக்கை வைத்துள்ளனர். மேலும், இந்த கால்நடை மருத்துவமனைக்கு புதிய கட்டிடம் கட்டிக் கொடுக்க வேண்டுமெனவும் மலைவாழ் மக்கள் வலியுறுத்தியுள்ளனர்.
