மார்க்கம் மாறி இயங்கிய ரயிலால் பயணிகள் அவதி

திருப்பத்தூர்: வாணியம்பாடி ரயில் நிலையம் அருகே மார்க்கம் மாறி சென்ற ரயிலால் பயணிகள் அவதியடைந்தனர்.

ஆந்திராவிலிருந்து மார்க்கம் மாறி சென்ற மும்பை - நாகர்கோயில் விரைவு ரயில், ஆந்திர ரயில் பாதையில் ஏற்பட்ட பிரச்னை காரணமாக வாணியம்பாடி பகுதிக்கு வந்துள்ளது.

அப்போது, ரயில் தடம் மாறி செல்வதைக் கண்டு அதிர்ச்சியடைந்த பயணிகள் அபாய சங்கிலியை இழுத்து நிறுத்தியுள்ளனர். இதனால் 10 நிமிடம் ரயில் தாமதமாகப் புறப்பட்டுச் சென்றது.

இதனால், கிருஷ்ணராஜ்புரம், பங்கார்பேட்டை, குப்பம் ஆகிய பகுதிகளுக்குச் செல்ல வேண்டிய பயணிகள் ஜோலார்பேட்டை சந்திப்பில் இறங்கி மாற்று ரயில்கள் மூலம் அனுப்பிவைக்கப்பட்டனர்.

இதையும் படிங்க:ரயில்வே ஊழியரின் அலட்சியம்-வாகன ஓட்டிகள் சுதாரித்ததால் விபத்து தவிர்ப்பு