திருப்பத்தூர் சேர்மன் ரங்கநாதன் தெருவினைச் சேர்ந்தவர் நாகராஜன். இவர் வழக்கறிஞர் ஒருவரிடம் உதவியாளராகப் பணிபுரிந்து வருகிறார். இவருடைய மகன் கார்த்திகேயன் (32) என்பவருக்கு கோப்பெருந்தேவி என்ற பெண்ணுடன் திருமணம் முடிந்துள்ளது. இந்நிலையில், கடந்த நான்கு நாள்களுக்கு முன்பு கணவன் மனைவி இடையே வாய்த்தகராறு ஏற்பட்டுள்ளது.
கார்த்திகேயனை வேலைக்குச் செல்லுமாறு பலமுறை வற்புறுத்தியும் வேலைக்குச் செல்லாததால் கணவன் மனைவி இடையே தகராறு ஏற்பட்டுள்ளது. இதனால் ஆத்திரம் அடைந்த கோப்பெருந்தேவி கணவருடன் கோபித்துக்கொண்டு தாய் வீட்டுக்குச் சென்றுவிட்டார்.
இந்நிலையில், மனைவியை பிரிந்த சோகத்தில் வீட்டில் தனியாக இருந்த கார்த்திகேயன், மனமுடைந்து உருக்கமான கடிதம் எழுதி வைத்துவிட்டு தற்கொலை செய்துகொண்டார்.
மேலும், தனது கடிதத்தில் தன்னுடைய தற்கொலைக்கு யாரும் காரணம் இல்லையென்றும், தன் மனைவியை யாரும் எந்தவித கேள்வியும் கேட்க வேண்டாம் எனவும், தன்னுடைய மரணத்திற்கு தானே காரணம் எனவும் எழுதி வைத்துவிட்டு தூக்கிட்டு தற்கொலை செய்துகொண்டார். இந்த சம்பவம் அவரது உறவினர்களை மிகுந்த சோகத்தில் ஆழ்த்தியுள்ளது.
இதையும் படிங்க: சதுரங்க வேட்டை’ பாணியில் அரங்கேறிய மோசடி - திமுக பிரமுகர் உள்பட மூவர் கைது!
