ஜோலார்பேட்டையில் தேசிய அளவிலான வளையபந்து போட்டி

திருப்பத்தூர்: ஜோலார்பேட்டையில் தேசிய அளவிலான வளையபந்து போட்டியானது கலை நிகழ்ச்சிகளுடன் இன்று கோலாகலமாக தொடங்கியது.

திருப்பத்தூர் மாவட்டம் ஜோலார்பேட்டையில் உள்ள மினி விளையாட்டு அரங்கில் பள்ளிக் கல்வித் துறை சார்பில் தேசிய அளவிலான 65ஆவது வளையபந்து விளையாட்டு போட்டி தொடங்கியது. இப்போட்டியினை அமைச்சர் கே.சி. வீரமணி, அமைச்சர் நிலோபர் கபில் ஆகியோர் கலந்துகொண்டு தொடங்கிவைத்தனர்.

இந்த போட்டியில் தமிழ்நாடு, குஜராத், பாண்டிசேரி, ஒடிசா, டெல்லி, ஆந்திரா உள்ளிட்ட 12 மாநிலங்களிலிருந்து 14 வயதிற்கு உட்பட்ட பள்ளி மாணவ, மாணவிகள் கலந்துகொண்டுள்ளனர். இன்று தொடங்கிய விளையாட்டுப் போட்டியானது தொடர்ந்து மூன்று நாள்கள் நடைபெற உள்ளது.

போட்டியில் வெற்றி பெறும் வீரர்கள், வீராங்கனைகள் உலக அளவில் நடைபெறும் வளையபந்து விளையாட்டுப் போட்டியில் விளையாட உள்ளனர்.

இதையும் படிங்க: மாநில அளவிலான ஹாக்கி போட்டி - மதுரை அணி வெற்றி