தமிழ்நாடு சட்டப்பேரவை தேர்தலுக்கான வாக்குப்பதிவு, ஏப்ரல் 6ஆம் நடைபெறவுள்ளது. அதற்காக வேலூர் மாவட்டத்தில் மின்னணு வாக்குப்பதிவு இயந்திரங்களும் தயார் நிலையில் உள்ளன.
இந்நிலையில் வாக்குப்பதிவு இயந்திரம் இயங்கும் முறை குறித்தும், எவ்வாறு வாக்களிக்க வேண்டும் என்பது குறித்தும் தேர்தல் அலுவலர்கள், பொதுமக்களுக்கு செயல்முறை விளக்கமளித்து, மாதிரி வாக்குப்பதிவு நடத்தி விழிப்புணர்வு ஏற்படுத்தினர்.
காட்பாடி வட்டாட்சியர் அலுவலகம், தொரப்பாடி எம்ஜிஆர் சிலை அருகேயுள்ள நியாயவிலைக் கடை உள்ளிட்ட பல்வேறு இடங்களில் இந்த மாதிரி வாக்குப்பதிவு நடத்தப்பட்டது. இந்த விழிப்புணர்வு நிகழ்ச்சியில், ஏராளமான பொதுமக்கள் ஆர்வத்துடன் கலந்து கொண்டு வாக்குப்பதிவு செய்தனர்.
இதையும் படிங்க: கரூரில் மாதிரி வாக்குப்பதிவு ஒத்திகை நிகழ்ச்சி!
