வேலூர் காட்பாடி அடுத்த பாலாஜி நகரில் வசித்து வருபவர் மூதாட்டி ராணி (60). இவர் நேற்று (டிச. 18) மாலை கடைக்குச் செல்வதற்காக வீட்டை விட்டு வெளியே வந்துள்ளார். அப்போது இருசக்கர வாகனத்தில் வந்த அடையாளம் தெரியாத நபர்கள் இருவர் மூதாட்டியை பின்தொடர்ந்துள்ளனர்.
அப்போது சாலையில் யாரும் இல்லாததால், அவர்களில் ஒருவர் மூதாட்டியின் கழுத்திலிருந்த ஐந்து சவரன் தங்கச் செயினை பறித்துள்ளார். அதில், நிலைதடுமாறி மூதாட்டி கீழே விழுந்ததில் அவருக்கு லேசான காயம் ஏற்பட்டுள்ளது.
பின்னர், செயினை பறித்த இருவர் அங்கிருந்து இருசக்கர வாகனத்தில் தப்பி ஓடினர். மூதாட்டியிடம் செயினை பறித்துச் செல்லும் காட்சிகள் அங்குள்ள கண்காணிப்புக் கேமராவில் பதிவாகியுள்ளது.
இச்சம்பவம் குறித்து வழக்குப்பதிவு செய்த காவல் துறையினர், அப்பகுதியிலுள்ள கண்காணிப்புக் கேமராவில் பதிவான காட்சிகளை வைத்து வழிப்பறி செய்த இருவரை தீவிரமாக தேடி வருகின்றனர்.
இதையும் படிங்க: சென்னையில் இளம்பெண்ணிடம் தங்கச்சங்கிலி பறிப்பு: அடையாளம் தெரியாத நபருக்கு வலை
