வேலுர் மாவட்டம் ராணிப்பேட்டை அடுத்த செட்டிதாங்கல் கிராமம் அருகே அரசு மதுபான கடை (கடை எண் - 11134) செயல்பட்டுவருகிறது. கடையின் மேற்பார்வையாளர் முருகேசன் வழக்கம்போல் நேற்று இரவு 10 மணி அளவில் பணி முடிந்த பிறகு கடையை மூடிவிட்டு சென்றார்.
இந்நிலையில் இன்று காலை கடையின் உரிமையாளர் கிருஷ்ணன் கடையை சுத்தம் செய்யும்போது கடையின் பக்கவாட்டில் துளையிருப்பதைக் கண்டு அதிர்ச்சியடைந்தார். உடனடியாக ராணிப்பேட்டை காவல் நிலையத்துக்கு மேற்பார்வையாளர் முருகேசனுக்கும் தகவல் அளித்தார்.
இதனடிப்படையில் காவல் துறையினர் விசாரணை மேற்கொண்டனர், விசாரணையில் சுமார் இரண்டு லட்ச ரூபாய் மதிப்பிலான மதுபான பாட்டில்கள் கொள்ளையடிக்கப்பட்டது தெரியவந்தது. இதுகுறித்து வழக்குப்பதிவு செய்த காவல் துறையினர் அடையாளம் தெரியாத நபர்களை தேடி வருகின்றனர்.
இதையும் படிங்க: உரிய விலை இல்லாததால் மரவள்ளி விவசாயிகள் கவலை
