திருச்சி: புத்தாந்தம் தெற்கு இடையப்பட்டியை சேர்ந்தவர் அந்தோணி பீட்டர் (55). இவர் டெய்லர் வேலை செய்து வந்தார். இதே ஊரை சேர்ந்த புலோமின்தாஸ் (18). இவர் பன்னாங்கொம்பு பள்ளியில் பிளஸ் 2 படித்து வந்தார். இருவரும் அந்தோணி பீட்டருக்கு சொந்தமான இருசக்கர வாகனத்தில் உடையாப்பட்டி கோயில் திருவிழாவிற்கு சென்று விட்டு மீண்டும் வீட்டிற்கு வந்து கொண்டிருந்தனர்.
அப்போது சிவகங்கையிலிருந்து - பெங்களூருக்கு நூல் கோன் ஏற்றி சென்ற கண்டெய்னர் லாரி சமத்துவபுரம் என்ற இடத்தில் இருசக்கர வாகனம் மீது மோதியது. இதில் இருசக்கர வாகனத்தில் பயணித்த அந்தோணி பீட்டர், புலோமின்தாஸ் ஆகிய இருவரும் சம்பவ இடத்திலேயே உயிரிழந்தனர்.
விபத்து ஏற்படுத்திய லாரி ஓட்டுநர் நிற்காமல் சென்றதையடுத்து மணப்பாறை காவல் நிலையத்திற்கு தகவல் தெரிவிக்கப்பட்டது. அவர்கள் லாரி ஓட்டுநரை பிடித்து, புத்தாநத்தம் காவல் நிலையத்தில் ஒப்படைத்தனர். லாரியும் பறிமுதல் செய்யப்பட்டது. இதையடுத்து லாரி ஓட்டுநரான டேவிட் ஆனந்தராஜ் என்பவரிடம் விசாரணை நடைபெற்று வருகிறது.
இதையும் படிங்க:லாரி மீது பைக் மோதிய விபத்து - பதறவைக்கும் சிசிடிவி காட்சி
